22 Shilde, 2020 Barlyq aımaqtar

Jańa oqý jylynda muǵalimderdiń jalaqysy óse me?

Kórneki sýret

Jańa oqý jylynda qashyqtan oqý barysynda muǵalimderdiń júktemesi kóbeıedi, osyǵan baılanysty olardyń jalaqysy óse me? Bul suraqqa bilim jáne ǵylym mınıstri Ashat Aımaǵambetov 21 shildede Instagram-daǵy paraqshasynda jaýap berdi.

Onyń aıtýynsha, bıyl jalaqy óspeıdi. Tek qańtar aıynda muǵalimderdiń jalaqysy 25 paıyzǵa ósedi. Qyrkúıek aıynan bastap muǵalimderge jańa tólemder tólenedi. Naqty qandaı tólemder ekenin mınıstr ashyp aıtpady.

Bıyl qazaqstandyq oqýshylar jańa oqý jylyn qashyqtan oqyp bastaıdy. Al ekinshi toqsanǵa baılanysty ázirge sheshim qabyldanbaǵan. 

Mınıstr bári epıdemıologııalyq ahýalǵa qaraı sheshiletinin atap ótti.

Bıyl kóktemde koronavırýs indetiniń taralýyna baılanysty qazaqstandyq oqýshylar men stýdentter tórtinshi toqsanda qashyqtan oqydy. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir