22 Shilde, 2020 NEWS

ShQO Abaı aýdany Qaraýyl aýylyndaǵy sý qubyrynyń jumysy qyzý júrip jatyr

Foto: ShQO aqparat ortalyǵy

Cý – tirshilik kózi, ómirdiń qýaty. Halqymyz «Sýdyń da suraýy bar» dep, taza aýyzsýdyń adam ómirinde alar ornyn, mańyzyn, qadir-qasıetin aıshyqtap ketken.

Tirshilik nári adam balasynyń eń bir qajettiligi. Halyq úshin taza aýyz sý máselesin sheshý, ony qoljetimdi etý sergek sezimniń, parasatty zerdeliliktiń jemisi.

Adamzat balasyna úsh alypty syı etken ulylar mekeni Abaı aýdany búginde eńbekqor jurtynyń mereıiniń, basshysynyń aıryqsha yqylasynyń arqasynda erekshe qarqynmen damyp, qanat jaıyp kórkeıip keledi. Aýdannyń búgingi kelbeti kóńilińidi súısindirip, kózińdi qýantpaı qoımaıtyny ras.

a

Adamzattyń birtýary uly aqyn Abaı Qunanbaıulynyń 175 jyldyǵy aıasynda halyq ıgiligine aınalarlyq qyrýar jobalar óz jalǵasyn tabýda. Aqyn mereıtoıy qarsańynda aýdannyń bir jańaryp, bir jasaryp qalǵandyǵyn aıta ketý lázim. Jańa nysandar salynyp, halyq úshin bos jumys oryndary ashyldy. Jobalardyń ishindegi mańyzdysy, kóńil qýantarlyǵy – Abaı aýdany Qaraýyl aýylyndaǵy sý qubyryn qaıta jańǵyrtý jobasy.

 

 

Jurtynyń jyrtyǵyna jamaý, jel jaǵyna qorǵan bop júrgen el tilegin arqalaǵan azamat, aımaq basshysy D.K.Ahmetov aýdan ortalyǵy Qaraýyl aýylyna kelgen saparynda halyqtyń tynys-tirshiligin, hal-ahýalyn jiti zerdeleı otyryp, eldiń eń bir suraýly, qajetti máselelerin  tamyrshydaı tap basyp jolǵa qoıǵan bolatyn. Sonyń ishinde aýylishilik sý qubyrlary júıesiniń sonaý 1976 jyly salynyp, sol jyldardan beri jańartylmaı eskiligi jetip, ábden tozýǵa aınalǵanyn óz kózimen kórip osy baǵyttaǵy jumystardy kún tártibine qoıdy.

 

Sodan beri aýyl ishinde sý qubyrlaryn tartý boıynsha jumys aqpan aıynda bastalǵan. Merdiger «VostokStroı Grýpp» JShS ózine artylǵan senimdi aqtaý maqsatynda jankeshtilik tanytyp, jumysty qyzý qarqynmen júrgizýde. Aýyl ishi tolyǵymen sý qubyrlary júıesin aýystyrý oshaǵyna aınalǵan. «Biter istiń basyna, jaqsy keler qasyna» demekshi, aýdan turǵyndarynyń ómir sapasyn arttyrý, áleýmettik jaǵdaıyn jaqsartý maqsatynda jolǵa qoıylǵan jumystardyń barysy kóziqaraqty jurtshylyqtyń kóńilinen shyǵýda. Sý máselesi qaı kezde de ózekti. Sondyqtan da sý qubyrlarynyń tolyq jańǵyrtylýyna, taza aýyz sýǵa qol jetýine az qalǵan aýyl turǵyndarynyń qýanyshynda shek joq.

 

Búgingi kúni aýylishilik 44 km magıstraldyq jeliden 33 km qubyr tartylyp bitti. Turǵyn úılerge tartylatyn 42 km jeliniń 19 km tartý jumystary aıaqtalǵan. Ekinshi satydaǵy rezervýardyń, sý munarasynyń jumystary júrgizilýde. Ulttyń qamy, saý urpaqtyń bolashaǵyna aınalǵan sý qubyrlaryn jańǵyrtý jumystary bıylǵy qazan aıynda tolyq aıaqtalady dep kútilýde.

Aýdannyń damýy, qanat jaıýy bárimizdi qyzyqtyrady. Uly dalamyzdyń qaı túpkiri bolsa da osylaı gúldenip, qaryshtap damyp, kórkeıe berse eken...

ShQO aqparat ortalyǵy

 

asdfasdf asdfasdf

Búgingi kúni aýylishilik 44 km magıstraldyq jeliden 33 km qubyr tartylyp bitti. Turǵyn úılerge tartylatyn 42 km jeliniń 19 km tartý jumystary aıaqtalǵan. Ekinshi satydaǵy rezervýardyń, sý munarasynyń jumystary júrgizilýde. Ulttyń qamy, saý urpaqtyń bolashaǵyna aınalǵan sý qubyrlaryn jańǵyrtý jumystary bıylǵy qazan aıynda tolyq aıaqtalady dep kútilýde.

Aýdannyń damýy, qanat jaıýy bárimizdi qyzyqtyrady. Uly dalamyzdyń qaı túpkiri bolsa da osylaı gúldenip, qaryshtap damyp, kórkeıe berse eken...

ShQO aqparat ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir