21 Shilde, 2020 NEWS
sputnik.ru
Densaýlyq saqtaý mınıstri Alekseı Soı ortalyq kommýnıkasııalar qyzmetinde ótken baspasóz máslıhatynda koronavırýs ınfeksııasynan 59 medısına qyzmetkeri qaıtys bolǵanyn aıtty.
– Tizimdi biz aımaqtardan alyp, eńbek jáne halyqty áleýmettik qorǵaý mınıstrligine joldadyq. Osy kúnge deıin jumys oryndarynda medısınalyq qyzmetkerlerdiń koronavırýs juqtyrýynyń 123 jaǵdaıy tirkeldi. Onyń ishinde 59 medısına qyzmetkeri kóz jumdy, – dedi Alekseı Soı.
Onyń aıtýynsha ótemaqy berý máselesin jaýapty uıym júrgizedi.
– Bizdiń mindet – tizimdi jınap, tapsyrý. Tizimnen bólek sol dárigerdiń naqty qaıda – úıinde álde jumysta juqtyrǵany qaralatyn epıdemıologııalyq karta bar. Iаǵnı naqty epıdanalız bar, – dedi mınıstr.
Densaýlyq saqtaý mınıstrligi 3-19 shilde aralyǵynda Qazaqstanda koronavırýs ınfeksııasynan 210 adam qaıtys bolǵanyn málimdegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir