• USD 468.56

  • EUR 497.56

  • RUB 7.3

  • CNY 67.18

29 Naýryz, 12:23:43
Almaty
+35°
Bilim jáne ǵylym mınıstri Ashat Aımaǵambetov memlekettik jalpyǵa mindetti standartqa ózgerister engizilgenin habarlap, «Álippe» men «Ana tili» oqýlyqtary qaıtarylatynyn aıtty. Bul týraly ol Facebook paraqshasynda jazdy.
 
– Jaqynda Memlekettik jalpyǵa mindetti standartqa ózgerister engizilip, Ádilet mınıstrliginde tirkeýden ótti. Ondaǵy mańyzdy jańalyqtardyń biri – kelesi oqý jylynda birinshi synyp oqýshylary «Saýat ashý» pániniń ornyna «Álippe» men «Ana tilin» oqıtyn bolady. Birinshi synyp oqýshylary oqý jylynyń bastapqy eki toqsanynda «Álippeniń» baǵdarlamasyn oqysa, qalǵan eki toqsanda «Ana tili» pánin oqıdy. Sáıkesinshe, orys tilinde nemese basqa tilderde bilim alatyn synyptarda «Býkvar» men «Obýchenıe gramote» pánderi júrgiziledi, – dedi mınıstr.
 
Onyń aıtýynsha «Álippe» Ahmet Baıtursynulynyń ádistemesi negizinde daıyndalady.
 
– Qazirgi kezde oqýlyqtardy ázirleý boıynsha úlken jumys júrgizilip jatyr. Biryńǵaı baǵdarlama jasaýmen aınalysatyn jumys tobyn qurdyq. Onyń quramynda myqty til mamandary, ádiskerler, bastaýysh synyp muǵalimderi men buǵan deıin oqytylǵan «Álippe» oqýlyqtarynyń avtorlary bar. Orynbasarym Sholpan Karınova osy jumys tobynyń alǵashqy otyrysyn ótkizip te úlgerdi. Baǵdarlamalar men oqýlyqtar daıyn bolǵannan keıin olardy pılottyq mektepterde synaqtan ótkizemiz dep josparlap otyrmyz. Keıin basqa mektepterge jiberiletin bolady. Bul másele meniń jiti baqylaýymda, – dep jazdy Ashat Aımaǵambetov jelidegi paraqshasynda.
 
Eske sala keteıik, burynǵy bilim jáne ǵylym mınıstri bolǵan Erlan Saǵadıev bilim júıesine biraz ózgerister engizgen bolatyn. Ol bastaýysh synyptan "Álippe" men "Ana tili" oqýlyqtaryn alyp tastap, onyń ornyna "Saýat ashý" pánin engizgen. 2015 jyl bilim júıesine engizilgen pán búginge deıin qoldanysta boldy.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir