21 Shilde, 2020 Aqtóbe oblysy

Aqtóbede HALYK SAUDA shaǵyn kóterme saýda ortalyǵy jumysyn bastady

Qamshy.kz

Sharaǵa oblys ákimi Ońdasyn Orazalın qatysty. Negizgi maqsaty Aqtóbe halqyn qol jetimdi baǵadaǵy áleýmettik mańyzy bar azyq-túlikpen qamtamasyz etý bolyp tabylatyn pılottyq jobaǵa «Aqtóbe» ÁKK bastamalyq etip, oblys ákimdigi qoldaý kórsetti.


О́ńir basshysy «Máskeý» aýdanynda jumys jasaıtyn birinshi saýda núktesin qarap shyqty.


Dúken-qoımada óńirlik turaqtandyrý qorynyń ónimderi naryq baǵasynan tómen satylatyn bolady.


«Bul joba halyqtiki bolý kerek, basty maqsat – áleýmettik mańyzy bar azyq-túlikterdiń baǵasyn turaqtandyryp tómendetý. Osyndaı ózekti tapsyrmalardy sheshý úshin bir dúken jetkiliksiz. Soǵan baılanysty 1 qyrkúıekke deıin taǵy 20-syn ashýdy tapsyramyn. Sondaı-aq, HALYK SAUDA shaǵyn kóterme ortalyqtarynyń jelisin oblystyń búkil jerinde damytý josparda bar»,- dedi Ońdasyn Orazalın.


HALYK SAUDA pılottyq jobasyna Áleýmettik kásipkerlik korporasııasymen birge «SHF Prıgorodnoe» JShS, «Brıg», SMART TRADE SÚ qatysyp jatyr. Aıta keteıik, «Aqtóbe» ÁKK áleýmettik mańyzy bar azyq-túlik baǵasyn turaqtandyrý jumystaryn tıimdi júrgizýde.


Bıyl turaqtandyrý qoryn qalyptastyrý úshin jergilikti bıýdjetten 540 mln teńge bólingen bolatyn. 2020-2021 jyldardyń maýsymaralyq kezeńderine «SHF Prıgorodnyı» JShS, «Elaman 2016» jáne «Bolat LTD» aýylsharýashylyǵy ónimderin óndirýshilerimen 146,9 mln. teńgege 1 850 tonna kartop, 250 tonna sábiz, 150 tonna qyryqqabat pen 300 tonna pııaz jetkizý fıýcherlik kelisimge qol qoıyldy.


Barlyq ónim «Tabys» kommýnaldyq bazary men shaǵyn bazarlarda satylatyn bolady.


Qazirgi tańda turaqtandyrý qorynda 61,7 tonna kúrish, 66,1 tonna bıdaı uny, 17,6 tonna birinshi surypty makaron ónimderi, 54,4 tonna qaraqumyq jarmasy, 100 myń qutydan astam kúnbaǵys maıy, 124,9 tonna qant jáne taǵy basqa azyq-túlik qory bar.


Sonymen qatar, oblys ákimine bizdiń óńir úshin biregeı bolyp tabylatyn «MY DUKEN» onlaın saýda qosymshasy tanystyryldy.


Jobanyń artyqshylyǵy - taýarǵa tapsyrys berip, ony úıden shyqpaı-aq, qolaıly túrde tóleýge bolady. Bul qazirgi indet jaǵdaıyna baılanysty óte yńǵaıly. Alǵashqy bolyp, Ońdasyn Orazalın az qamtylǵan otbasyǵa azyq-túlik jetkizý úshin onlaın túrde tapsyrys berdi.

Ilmek sózder: Aqtóbe oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir