Jeke qorǵanys quraldary úshin 7,2 mlrd teńge bólindi

Pandemııa kezinde alǵy shepte jumys isteıtin qyzmetkerlerdiń jeke qorǵanys quraldary úshin úkimet rezervinen 7,2 mıllıard  teńge bólindi. Bul týraly densaýlyq saqtaý mınıstri Alekseı Soı úkimet otyrysynda habarlady.

– Alǵy sheptegi qyzmetkerlerdiń jeke qorǵanys quraldarynyń rezervi qalyptasty. Úkimet rezervinen bul maqsatqa 7,2 mlrd teńge bólindi. Osy jumystar aıasynda 41 mln maska, 27 mln qolǵap pen 379 myń qorǵanys kostıými jáne 1,2 mln PTR-test satyp alynady, – dedi ol úkimet otyrysynda.

Mınıstrdiń aıtýynsha, elde bir rettik úsh qabatty medısına maskasynyń baǵasy 28 paıyzǵa arzandaǵan. Sondaı-aq ol 2021 jyldyń qyrkúıegi men aqpan aralyǵyna arnap jeke qorǵanys quraldarynan rezerv jasalatynyn aıtty.