Mamın mınıstrler men ákimderge tapsyrma berdi

Premer-mınıstr Asqar Mamınniń tóraǵalyǵymen ótken úkimettiń selektorlyq otyrysynda elde qabyldanyp jatqan epıdemııaǵa qarsy sharalar jáne memleket basshysy bergen tapsyrmalardyń oryndalý barysy qaraldy. Bul týraly Premer-mınıstr saıty habarlady. 

Qazaqstanda epıdemıologııalyq jaǵdaıdyń birshama turaqtalý deńgeıine shyqty. Respýblıka boıynsha koronavırýs juqtyrǵandardyń ósimi 2,1% quraıdy, eń tómengi ósim táýligine Shymkentte – 1%, Qyzylorda oblysynda – 0,9%, Túrkistan oblysynda – 0,8%, Aqtóbe oblysynda – 0,5% tirkelip otyr.

Jalpy tósek-oryn qory 30,4 myńnan 49,7 myń tósek-orynǵa deıin ulǵaıtyldy. Provızorlyq tósek-orynnyń bos bolmaýy 20%-ǵa (89%-dan 69%-ǵa deıin) jáne reanımasııalyq tósek-orynnyń bos bolmaýy 6%-ǵa (73%-dan 67%-ǵa deıin) azaıdy. COVID-ten saýyǵyp ketkenderdiń sany 60%-ǵa ósti, jedel járdemdi shaqyrýlar sany 23%-ǵa tómendedi. 

Ambýlatorlyq deńgeıde úıde medısınalyq kómek kórsetý úshin 2962 BMSK mobıldi brıgadasy quryldy. Osy aıdyń sońyna deıin mundaı brıgadalar sany 3500 deıin jetkiziledi. Emhanalardaǵy Call-ortalyqtar sany 16%-ǵa artty. 

Búgingi tańda ınfeksııalyq jáne provızorlyq stasıonarlarda 1958 О́JJ apparaty bar, qosymsha 4183 apparat satyp alynady, 21 myńnan astam tósek-oryn ottegige, 6237 oryn ottegi konsentratorlarynyń esebinen qosylady. Búginde PTR-testileýdiń qýaty táýligine 32 myń zertteýdi quraıdy. Bıylǵy jyldyń 1 tamyzyna qaraı bul kórsetkish táýligine 35,6 myńǵa deıin, aǵymdaǵy jyldyń 1 qyrkúıegine qaraı táýligine 64 myńǵa deıin jetkiziledi.

Ambýlatorlyq kómek kórsetý úshin aýylda 1493 mobıldi brıgada qurylyp, jumys isteıdi, bul qajettiliktiń 94%-yn jabady. Aýylda 641 jedel medısınalyq járdem mashınasy tartylǵan.

Úkimet basshysy ákimdikterge, densaýlyq saqtaý jáne ındýstrııa mınıstrlikterine óńirlerdegi aýrýhanalardy qajettilikterine saı О́JJ apparattarymen a.j. tamyzdyń sońyna deıin qamtamasyz etýdi tapsyrdy. 

Densaýlyq saqtaý mınıstrligine ákimdiktermen jáne Aýyl sharýashylyǵy mınıstrligimen birge shildeniń sońyna deıin óńirlerde veterınarlyq zerthanalar bazasynda PTR-testileý jónindegi jumysty uıymdastyrý jáne kadrlarmen jasaqtaýdy qamtamasyz etý, ákimdikterge analızderdi óńirlerdiń zerthanalaryna jetkizýdiń tıimdi logıstıkasyn pysyqtaý tapsyryldy.

Indýstrııa, densaýlyq saqtaý jáne qarjy mınıstrlikterine shuǵyl túrde óńirlerdi kóshpeli dıagnostıkalyq keshendermen, aýdandyq aýrýhanalardy otandyq óndiristiń sıfrlyq rentgen apparattarymen jaraqtandyrý máselesin shuǵyl sheshý, Densaýlyq saqtaý mınıstrligi men ákimdikterge eki apta ishinde ottegi konsentratorlary men medısınalyq gazdardyń tolyq kólemin óńirlerge jetkizýdi qamtamasyz etý jóninde tapsyrma berildi.

«SQ Farmasııa»-ǵa aǵymdaǵy jyldyń shilde aıynyń sońyna deıin dári-dármek satyp alyp, olardy qosymsha bir aıǵa jetetin kólemde óńirlerge bólý, sondaı-aq olardyń dári-dármek qajettiligin josparlaýdyń naqty júıesin belgileý júkteldi.

Premer-Mınıstr sonymen qatar Almaty, Nur-Sultan qalalary men Aqtóbe oblysynyń úlgisi boıynsha ár óńirde Turaqtandyrý qorlarynda dárilik zattar men medısınalyq buıymdardyń qajetti qoryn jasaý týraly tapsyrma berdi.