20 Shilde, 2020 NEWS

Elimizde bıyl 43 bala sýǵa batyp kóz jumǵan

Kórneki sýret

Elimizdiń qutqarýshylary sýǵa shomylý maýsymy bastalǵaly beri 51 adamdy, onyń ishinde 11 balany qutqardy. Bul týraly tótenshe jaǵdaılar komıteti habarlady.

Komıtettiń habarlaýynsha, sýǵa shomylý maýsymy bastalǵaly beri elimizdiń sý aıdyndarynda túrli tótenshe oqıǵalar oryn alyp jatyr. О́tken demalys kúnderi 15 adam sýǵa batyp kóz jumǵan. Olardyń 5-eýi – balalar.

19 shilde kúni qutqarýshylar Aqmola oblysynyń Jaltyrkól aýylynan 5 shaqyrym jerde  Esil ózeninen 2005 jáne 2008 jyly týǵan balalardyń máıitin sýdan alyp shyqqan. Olar tyıym salynǵan jerde sýǵa shomylyp júrgende batyp ketken.

Elimizde sýǵa shomylý maýsymy bastalǵannan beri 144 adam, onyń ishinde 43 bala sýǵa batyp kóz jumǵan. Adamdar óz kúshin bilmegeninen, mas kúıinde sýǵa shomylǵannan, eresek adamdar balalaryn qaraýsyz qaldyrǵanynan jáne sýǵa batyp bara jatqan adamdy qutqaramyn dep sýǵa batyp qaza bolǵan.

Qutqarýshylar 1 maýsymnan bastap 51 adamdy, onyń ishinde 11 balany ajaldan aman alyp qalǵan.

"IIM TJ komıteti azamattardy sý aıdyndaryndaǵy qaýipsizdik erejelerin saqtaýǵa shaqyrady:

- balalar tek eresek adamdardyń qaraýymen sýǵa shomylýy tıis;

- tek sýǵa shomylý úshin jabdyqtalǵan oryndarda sýǵa shomylýǵa bolady, onda qutqarýshylar kezekshilik etedi;

- beıtanys oryndarda súńgýge bolmaıdy;

- osy maqsattarǵa beıimdelmegen bıiktikterden sekirýge bolmaıdy;

- sýǵa shomylǵan kezde óz kúshterińizdi durys baǵalańyzdar;

- spırttik ishimdikter ishýge jáne mas kúıinde sýǵa shomylýǵa qatań tyıym salynady" delingen tótenshe jaǵdaılar komıtetiniń habarlamasynda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir