ShQO-da karantın ýaqytynda 331 mobıldi top quryldy

 

Bul jaıly Aımaqtyq kommýnıkasııalar qyzmetinde ótken baspasóz máslıhaty barysynda ShQO Densaýlyq saqtaý basqarmasynyń basshysy Ilııas Muhamedjanov málimdedi.

 

– Semeı qalasynda 71, О́skemende 41 jáne 17 aýdan men qalalarda 219 top jumys jasap tur. Olar tek azamattarǵa shaqyrtý boıynsha úılerine baryp, medısınalyq kómek kórsetip qana qoımaı, dári-dármek te jetkizip bere alady, – dedi basqarma basshysy.

 

Sonymen qatar, atalmysh jobany qoldaý maqsatynda aýdan men qala ákimdikteri ózderiniń qyzmettik kólikterin mobıldi toptarǵa tabystaǵan.