5 shildeden bastap QR Ákimshilik quqyq buzýshylyq týraly Kodeksiniń 425-babyna sáıkes, bekitilgen sanıtarlyq-epıdemıologııalyq talaptardy buzǵan jeke tulǵalarǵa 83 340 teńge (30 AEK),  shaǵyn kásipkerlik sýbektilerine 638 940 teńge (230 AEK), orta kásipkerlik sýbektilerine 861 180 teńge (310 AEK), iri kásipkerlik sýbektilerine 4 444 800 teńge (1600 AEK) aıyppul salynady.

Aıyppul kimge, qalaı salynady? Kópshilikti mazalaǵan suraqqa Shyǵys Qazaqstan oblysynyń Bas memlekettik sanıtarııalyq dárigeri Marat Ismaılov keńinen tolyqqandy túsindirip berdi.

Eger dúkende satýshy maskasyz, qolǵapsyz satyp alýshylarǵa qyzmet kórsetse, jeke tulǵaǵa 30 AEK aıyppul salynyp, ákimshilik hattama toltyrylady. Al eger kásipkerlik nysanynda meıli ol kafe ne dúken bolsyn, tıisti dezınfeksııalyq quraldar joq bolsa, aıyppul nysan ıesine ıaǵnı zańdy tulǵaǵa salynady. Aıyppul somasy kásipkerliktiń sanatyna baılanysty, ıaǵnı shaǵyn, orta nemese iri kásipkerliktiń biri bolýy múmkin.

Kópshilik jınalatyn oryndardyń biri – qoǵamdyq kólikter. Eger júrgizýshi, kondýktor sanıtarlyq-epıdemıologııalyq qaýipsizdik normalaryn ustanbaıtyn bolsa, aıyppul qoǵamdyq kóliktiń jumysshysyna salynady. Al eger, avtobýs parkiniń ıesi sanıtarlyq-epıdemıologııalyq qaýipsizdik normalaryn oryndamaǵan bolsa, aıyppul avtobýstardyń ıesine, zańdy tulǵaǵa salynatyn bolady. Bul jerde de, aıyppul somasy kásipkerliktiń qandaı sanatta bolýyna baılanysty.

Jeke ne zańdy tulǵaǵa aıyppul salynǵan jaǵdaıda, tóleıtin somanyń 50%-yn ǵana tóleýge bolatyn múmkindik bar.

Birinshi, (shaǵyn, orta, iri) kásipkerlik sýbektisi anyqtalǵan buzýshylyqtardyń barlyǵyn moıyndap, kelisýi qajet.

Ekinshi, QR ÁQBtK 425-babyna sáıkes, aıyppuldy alǵashqy 7 táýlik ishinde tóleıtin bolsa, barlyq somanyń 50%-yn ǵana tóleıdi.

Sondaı-aq anyqtalǵan buzýshylyqtar sany salynatyn aıyppul mólsherine áser etpeıdi.

Mysaly, bir dúkende 3 buzýshylyq anyqtaldy, kelesi dúkende 1 ǵana buzýshylyq anyqtaldy. Ekeýi de orta kásipkerlik nysandary. Dúken ıeleri anyqtalǵan buzýshylyqtar sanyna qaramastan, ekeýi de birdeı 861 180 teńge nemese 310 AEK-ti tóleıtin bolady.

ShQO taýarlar men kórsetiletin qyzmetterdiń sapasy men qaýipsizdigin baqylaý departamenti karantın talaptaryn buzǵandarǵa zań tarapynan jaýapkershilik qarastyrylǵanyn taǵy bir márte eskertedi.

Koronavırýs, karantın, shekteý sharalary kúndelikti tirshilikti, josparlanǵan sharalardy ózgertkeni barshaǵa málim. Degenmen, qaýipti indetti halyq bolyp bir kisideı tártipke baǵynyp, qajetti sharalardy oryndaǵan kezde ǵana COVID-19 vırýsynyń aldyn alyp, qutyla alamyz.

Ilmek sózder: shqo

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir