20 Shilde, 2020 NEWS

Zertteýshiler koronavırýstyń alty túrin anyqtady

Kórneki sýret

Londondaǵy Koroldik kolledj zertteýshileri koronavırýstyń sımptomdary ártúrli  alty túrin anyqtady.

Zertteýshilerdiń aıtýynsha shyqqan nátıjeler COVID-19 indetin klınıkalyq turǵyda emdeý kezinde úlken mańyzǵa ıe. Sondaı-aq nátıjeler dárigerlerge kimniń ómirine qanshalyqty qaýip tónip turǵanyn jáne olardyń aýrýhana qyzmetine muqtaj ekenin anyqtaýǵa kómektesedi.  

Dese de, toqtaýsyz jótel, murynnyń ıis sezbeýi negizinde COVID-19 sımptomdarynyń úsh negizgi bóligi boıynsha anyqtalady. Jınalǵan málimetterdi alyp qaraıtyn bolsa, adamdar ártúrli sımptomdardy sezine alady, onyń ishinde bas aýyrýy, bulshyqet aýrýy, sharshaý, dıareıa, tábettiń joǵalýy jáne t.b.

Sımptomdardyń bir ýaqytta paıda bola alatynynyn jáne bul progressıvti aýrýdyń órshýimen qanshalyqty baılanysty ekenin anyqtaý úshin zertteýshiler toby  mashınalyq oqytý algortımin paıdalanǵan. Ulybrıtanııa men AQSh-tyń koronavırýs juqtyrǵan 1600 qoldanýshysynan synama alynyp, olardy naýryz-sáýir aıynda tolyqtaı baqylap, tirkep otyrǵan. 

Taldaý qorytyndylary aýrýdyń órshýi kezinde paıda bolatyn koronavırýstyń alty túrin anyqtap berdi:

Tumaý sekildi dene qyzýy joq: bas aýrýy, ıis sezbeý, bulshyqet aýrýy, tamaq aýrýy, keýde tusynyń aýrýy.

Tumaý sekildi dene qyzýy bar: bas aýrýy, ıis sezbeý, jótel, tamaq aýrýy, daýystyń qarylýy, dene qyzýy, tábettiń joǵalýy.

Asqazan-ishek joly arqyly: bas aýrýy, ıis sezbeý, tábettiń joǵalýy, dıareıa, tamaq aýrýy, keýde tusynyń aýrýy, jóteldiń bolmaýy.

♦ Birinshi aýyr deńgeı sharshaý: bas aýrýy, ıis sezbeý, jótel, dene qyzýy,  daýystyń qarylýy, keýde tusynyń aýrýy, sharshaý.

♦ Ekinshi aýyr deńgeı, aqyl-estiń shatasýy: bas aýrýy, ıis sezbeý, tábettiń joǵalýy, jótel, dene qyzýy, tamaqtyń aýrýy, keýde tusynyń aýrýy, sharshaý, aqyl-es shatasýy, bulshyqet aýrýy.

♦Úshinshi aýyr deńgeı, qursaq pen tynys alý: bas aýrýy, ıis sezbeý, tábettiń joǵalýy, jótel, dene qyzýy, tamaqtyń aýrýy, keýde tusynyń aýrýy, sharshaý, aqyl-es shatasýy, bulshyqet aýrýy, dem jetpeý, dıareıa, ish aýrýy.

Artynsha ǵalymdar jekelegen sımtomdardy bastan keshirýshiler jeldetkish pen qosymsha ottekke muqtaj bolatynyn zerttedi. Bul naýqastyń qaı bólimge jatatynyn tez anyqtaýǵa kómektesedi.

– Bul nátıjeler naýqastarǵa monıtorıng jasap, úzdiksiz baqylaýǵa alyp otyrý úshin úlken septigin tıgizedi. Bizdiń boljamdy naqty etý úshin ýaqyt aǵymy boıynsha sımptomdardyń ózgeriske ushyraýy mańyzdy. Ol bizge ár naýqastyń aýrý tarıhyn bilýge kómek beredi, sol arqyly naýqastar da jaqsy em sharalaryn qabyldaıdy, – dedi dáriger Kler Stıvs.

Zertteý táýelsiz zertteýshiler tarapynan áli maquldanǵan joq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir