20 Shilde, 2020 NEWS

Saryaǵash turǵyny karantın kezinde toı jasaǵan

Kórneki sýret

Qazaqstanda karantın kezinde toı jasap, salıýt atqan Túrkistan oblysy Saryaǵash aýdanynyń turǵyny anyqtaldy.

Oblystyq polısııa departamenti baspasóz qyzmetiniń málimetinshe, jas jumbaılardyń toıy Instagram jelisine jarııalanǵan. Vıdeony kórgen aýdandyq polısııa bóliminiń qyzmetkerleri toı uıymdastyrǵan turǵyndy anyqtaǵan.

Karantın talabyna baǵynbaǵan Saryaǵash aýdanynyń turǵyny kelin túsirip, toıynda otshashý atqan. Tártip saqshylary men aýdandyq jergilikti organdardan qurylǵan mobıldi top qyzmetkerleri oqıǵa ornyna barǵan. Nátıjesinde beınejazba Saryaǵash qalasynda túsirilgeni anyqtalyp, toı ıesine tıisti sharalar qoldanyldy.

"Taýarlar men kórsetiletin qyzmet sapasyna baqylaý basqarmasynyń qyzmetkerleri toı ótkizgen azamatqa qatysty QR ÁQBtK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyrdy. Túrkistan oblysynyń polıseıleri oblys turǵyndaryna elimizde engizilgen karantın talaptaryn saqtap, árbir azamattyń óz ómiri men densaýlyǵyna asa jaýapkershilikpen qaraýǵa shaqyrady" delingen habarlamada.

Ilmek sózder: toı karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir