Birikken Arab Ámirlikteri Marsqa ǵarysh kemesin ushyrdy

Birikken Arab Ámirlikteri arab álemi úshin alǵashqylardyń biri bolyp Marsqa arnalǵan ǵarysh kemesin sátti ushyrdy. Bul týraly Qamshy tilshisi BBC-ge silteme jasap habarlaıdy.

Ǵarysh kemesi búgin tańerteń Japonııada jergilikti ýaqyt 6:58-de sátti ushyrylǵan.

Joba boıynsha jumys istegen ǵylymı topty 80% áıelder qurady, ony BAÁ-niń damyǵan tehnologııalar mınıstri Sara Al Amırı basqarǵan.

"Úmit" dep atalatyn ǵarysh kemesi Japonııanyń Tanegashıma ǵarysh aılaǵynan "H2-A" zymyrany arqyly kókke kóterilgen. Ol Marstyń aýa-raıy men klımatyn zertteý úshin 500 mıllıon shaqyrymdyq saparǵa shyqty.

О́tken aptada ushyrylym eki ret qolaısyz aýa-raıyna baılanysty toqtatylǵan.