20 Shilde, 2020 NEWS

Ánshi Erlan Stamǵazıev qaıtys boldy

Foto: Júrgenov akademııasynyń facebook paraqshasynan alyndy

QR Mádenıet qaıratkeri, dástúrli ánshi, Qazaqstannyń eńbek sińirgen ártisi Ramazan Stamǵazıevtiń inisi Erlan Stamǵazıev ómirden ótti. Bul týraly Temirbek Júrgenov atyndaǵy Qazaq ulttyq óner akademııasy habarlady.

"T.Q. Júrgenov atyndaǵy Qazaq ulttyq óner akademııasynyń rektory jáne ujymy ustaz, Qazaqstannyń eńbek sińirgen ártisi, "Qurmet" ordeniniń ıegeri Ramazan Stamǵazıevtiń inisi, ánshi, QR Mádenıet qaıratkeri Erlan О́miráliuly Stamǵazıevtiń dúnıeden ozýyna baılanysty qazaǵa ortaqtasyp, otbasy, týǵan-týystaryna kóńil aıtady. Marqumnyń jatqan jeri jaıly, ımany salamat bolsyn! Amal kitaby oń jaǵynan ashylsyn, Alla aldynan jarylqasyn!" delingen akademııanyń facebook paraqshasynda jarııalanǵan habarlamada.

Marqumnyń deden qaıtys bolǵany ázirge aıtylmady.

Erlan Stamǵazıev 1970 jyly Almaty oblysy Kegen aýdany Kóppııaz aýylynda týǵan.

1989 jyly Almatydaǵy P.I.Chaıkovskıı atyndaǵy mýzyka kolledjin, 1995 jyly Qurmanǵazy atyndaǵy Qazaq ulttyq konservatorııasyn bitirgen.

1998 jyldan Súıinbaı atyndaǵy Almaty oblystyq fılarmonııasynda ánshi bolyp qyzmet etken.

Qamshy ujymy marqumnyń aǵasy Ramazan Stamǵazıev pen barsha týǵan-týystaryna qaıǵylaryna ortaqtasyp, kóńil aıtady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir