20 Shilde, 2020 NEWS

"2 mln qazaqstandyq koronavırýspen aýyrǵan" degen Toqaevtyń keńesshisi qyzmetinen bosatyldy

Ashyq derekkóz

Oljas Qudaıbergenov prezıdent Qasym-Jomart Toqaevtyń shtattan tys keńesshisi qyzmetinen bosatyldy. Bul týraly memleket basshysynyń baspasóz hatshysy Berik Ýálı Facebook paraqshasynda jazdy.

"Oljas Qudaıbergenov Qazaqstan Respýblıkasy prezıdentiniń ekonomıkalyq máseleler boıynsha shtattan tys keńesshisi qyzmetinen bosatyldy. Memleket basshysy Qasym-Jomart Toqaev Oljas Ábdimálikulyna ekonomıkany damytý jónindegi usynystary úshin alǵys aıtty"  delingen habarlamada.

Oljas Qudaıbergenov o basta ózine bul qyzmetti alty aı isteıtini aıtylǵanyn, rotasııa maýsym aıynda bolady dep kútkenin málimdedi.

Sondaı-aq ol óziniń shtattan tys keńesshi laýazymy keı málimdemelerin saıasılandyryp jibergenin jetkizdi. Onyń qyzmetinen ketýin sońǵy málimdemesimen baılanystyryp jatqandar bar.

Ol koronavırýs rastalyp, pnevmonııa anyqtalǵan azamattarǵa aýrýhanaǵa júginbeı, úıinde emdelgenderdi qossa, shamamen 2 mln qazaqstandyq koronavırýspen aýyryp shyqqan bolýy múmkin ekenin aıtqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir