20 Shilde, 2020 NEWS

Denıs Ten atyndaǵy mənerlep syrǵanaý akademııasy ashylady

Foto: mədenıet jəne sport mınıstrligi saıtynan alyndy

Almatyda mənerlep syrǵanaýdan Sochı Olımpıadasynyń qola júldegeri Denıs Ten atyndaǵy Global Figure Skating mənerlep syrǵanaý akademııasy ashylady. Bul týraly mədenıet jəne sport mınıstrliginiń baspasóz qyzmeti habarlady

Joba mədenıet jəne sport mınıstrligi, Almaty qalasynyń mədenıet jəne sport basqarmasy men sportshynyń anasy Oksana Tenmen birlesip júzege asyrylyp jatyr.

Global Figure Skating akademııasy – kezinde Denıs Tenniń mənerlep syrǵanaý sportynyń deńgeıin zertteı kele, jeke təjirıbesine súıene otyryp, daıyndalǵan joba bolatyn. Akademııa Almaty qalasyndaǵy muz saraıynyń biriniń janynan ashylady.

Denıs Ten atyndaǵy Global Figure Skating mənerlep syrǵanaý akademııasy Qazaqstanda mənerlep syrǵanaý sportyn damytýǵa baǵyttalǵan biryńǵaı ortalyq bolady. Akademııa balalar arasynda atalǵan sport túrin buqaralyq deńgeıge jetkizýge baǵyttalady. Qazir Oksana Ten Global Figure Skating akademııasynda balalardy baýlý úshin Denısti jattyqtyrǵan Tatıana Tarasova, Frenk Keroll syndy dańqty bapkerlermen kelissóz júrgizip jatyr.

Aldaǵy ýaqytta osyndaı akademııany Nur-Sultan qalasynan ashý josparda bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir