19 Shilde, 2020 NEWS

Qyzylorda polısııa departamenti aýladaǵy janjalǵa túsinik berdi

Vıdeodan alynǵan

Qyzylorda oblystyq polısııa departamenti turǵyn-úı kesheni aldynda polısııa qyzmetkerlerimen bolǵan janjalǵa qatysty túsinik berdi. Departamenttegilerdiń sózinshe, jasóspirimderdiń arasynda bastalǵan tóbeles polısııa qyzmetkerlerimen janjalǵa ulasqan. Oǵan eresekter aralasqan.

Polısııa departamenti baspasóz qyzmetiniń málimetinshe, 18 shilde kúni tańerteń Qyzylorda polısııa bólimshesiniń kezekshi bólimine kópqabatty úıdiń aýlasyndaǵy tóbeles týraly habarlama túsken.

"Oqıǵa ornyna kelgen polısııa ekıpajy kámelet jasqa tolmaǵan balalardyń tóbelesip jatqanyn anyqtady. Polısııa qyzmetkerleri olardy ajyrata bastady. Dál osy ýaqytta oqıǵanyń anyq-qanyǵyn bilmesten eresekter kelip zańǵa baǵynbaı, qyzmetkerlerge kedergi jasady" delingen PD málimdemesinde. 

Anyqtalǵandaı jasóspirimder aǵaıyndy bolyp shyqty. Bireýiniń jasy 13-te, ekinshisi 17-de.

Atalǵan derek boıynsha ákimshilik quqyqbuzýshylyq týraly kodekstiń 434-baby 2-tarmaǵy (usaq buzaqylyq) negizinde ákimshilik hattama toltyrylǵan.

Kámelet jasqa tolmaǵan jasóspirimderdiń ákesine qatysty qylmystyq kodekstiń 380-baby 1-tarmaǵy (Bılik ókiline qatysty kúsh qoldaný) boıynsha tergeý jumystary bastaldy.

Buǵan deıin jelide Qyzylordada polısııa qyzmetkerleriniń úı aýlasynda áldekimderdi súırep, kólikke kúshtep otyrǵyzbaq bolǵan vıdeosy taraǵan. Vıdeodan oqıǵaǵa úlkender aralasyp, janǵalǵa ulasqanyn kórýge bolady.

 ♦ Oqı otyryńyz: "Gúlshara Ábdihalyqova mynaǵan ne deısiń? Polısııa halyqty malsha súırep jatyr" (vıdeo)

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir