NASA: Jerge yqtımal qaýipti asteroıd jaqyndap keledi

NASA "yqtımal qaýipi bar" delingen asteroıd kelesi aptada jerge jaqyndaı túsetinin málimdedi.

"Asteroıd 2020ND" dep atalǵan aspan denesi shamamen Báıterek monýmentinen eki esege jýyq úlken. 24 shildede jer ǵalamsharyna jaqyndaıdy delingen asteroıdtyń uzyndyǵy – 170 metr.

NASA ǵalymdary asteroıdtyń jer orbıtasyna qaraı ushyp kele jatqanyn jáne planetamyzdyń bar bolǵany 0,034 astronomııalyq birliginiń (AB) ishinde bolatynyn eskertedi.

– "Yqtımal qaýipti asteroıdtar" qazirgi ýaqytta asteroıdtyń jerge qaýip tóndiretin jaqyndyq jasaý múmkindigin ólsheıtin parametrler negizinde anyqtalǵan, – dep jarııalaǵan ǵarysh agenttigi.

NASA-nyń aqparatynsha, orbıtalyq qashyqtyq 0,05 astronomııalyq birlikten az barlyq asteroıdtar "yqtımal qaýipti asteroıdtar" bolyp sanalady.