18 Shilde, 2020 NEWS

ShQO ákimi Tatarstannan kelgen dárigerlermen kezdesti

Foto: ShQO aqparat ortalyǵy

Búgin Shyǵys Qazaqstan oblysynyń ákimi Danıal Ahmetov Tatarstan Respýblıkasynan kelgen dárigerlermen kezdesti.

Atalmysh dárigerler toby О́skemenge tájirıbe almasyp, koronavırýsqa shaldyqqan naýqastardy emdeýde kómektesýge kelgen. 

12 adamnan turatyn toptyń ishine pýlmonolog, anestezıolog-reanımatolog, rentgenolog syndy mamandar jáne ınfeksııalyq aýrýhana dárigerleri men qyzmetkerleri kirgen.

a

Esterińizge sala ketsek, osy ýaqytqa deıin oblys ákimi Danıal Ahmetov Tatarstan Respýblıkasynyń Prezıdenti Rýstamom Mınnıhanovpen atalmysh másele boıynsha kelissóz júrgizgen. 

– Shyǵys Qazaqstanda medısınanyń damýy úshin barlyq jaǵdaı jasalyp jatyr. Satyp alynǵan zamanaýı tehnıkalar iske qosylyp, turǵyndarǵa qyzmet kórsetip keledi. Qazirgi indettiń aldyn alý maqsatynda sizdermen tájirıbe almasyp, jaqsy kórsetkishke qol jetkizemiz degen senimdemin, – dedi Danıal Ahmetov. 

Kelgen mamandar 2 kún aralyǵynda aýdan jáne qala aýrýhanalarynyń dárigerlerimen onlaın baılanysqa shyǵyp, keńes berip, jaǵdaımen tanysady. Keıinnen osy aı sońyna deıin ár aýdanǵa bólinip, dárigerlerge kómektesetin bolady. 

– Aımaqtaryńyzda koronavırýspen kúresý úshin О́JJ, ottegi konsentratorlary syndy jabdyqtar kóptep satyp alynypty. Bul durys sheshim. Jalpy eki eldiń qoldanyp otyrǵan ádis-tásilderi uqsas. Alaıda sonyń ózinde birlesip jańa tájirıbe jınaqtaımyz dep oılaımyn, – dedi kelgen toptyń jetekshisi, Tatarstan Respýblıkasy ortalyq klınıkalyq aýrýhanasy bas dárigeriniń birinshi orynbasary Marsel Mınnýlın.

ShQO aqparat ortalyǵy

Ilmek sózder: ShQO Danıal Ahmetov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir