18 Shilde, 2020 NEWS

Toqaev: Aýyldardy dárimen, medısına qurylǵylarmen qamtamasyz etýdi tapsyramyn

Foto: akorda.kz

Qalalardaǵy ahýaldy turaqtandyramyz dep, aýyl turǵyndaryn umytyp ketpeýimiz kerek. Bul týraly prezıdent koronavırýs indetiniń taralý ahýaly jónindegi vedomstvoaralyq komıssııanyń otyrysynda aıtty.

Qasym-Jomart Toqaev búginde aýyldaǵy azamattar úshin dıagnostıka jáne emdeý sharalary qol jetimdi emes ekenin aıta kele,  olarǵa qarapaıym dári-dármektiń jetpeı jatqanyna toqtaldy.

– Aýyl-aımaqtarda medısına kadrlarynyń tapshylyǵy jáne qajetti ınfraqurylymnyń joqtyǵy jyǵylǵanǵa judyryq bolyp otyr. Úkimet 2300 ámbebap mobıldi brıgadanyń jasaqtalǵanyn baıandady. Alaıda olar, negizinen, qala turǵyndaryna ǵana qyzmet kórsetedi. Aýyldy nazardan tys qaldyrýǵa bolmaıdy! Úkimetke óńirlermen birlesip, barynsha qysqa merzimde aýyldardy dıagnostıka jáne emdeý isimen, sondaı-aq, qajetti dári-dármekpen, medısına qurylǵylarymen qamtamasyz etýdi tapsyramyn, – dedi prezıdent.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir