Imanǵalı Tasmaǵambetov Atyraý oblysyna 26 mıllıon teńge kómek berdi

Qazaqstannyń Reseıdegi eks-elshisi Imanǵalı Tasmaǵambetov Atyraý oblysyna 26 450 000 teńgege dári aldyrǵan. Bul týraly "ShAPAǴAT" qoǵamdyq qory óz Instagram paraqshasynda jazdy. 

"Elimizge belgili sheneýnik, Atyraý ólkesiniń týmasy, Atyraý oblysynyń eks-ákimi Imanǵalı Tasmaǵambetov aǵamyz qıyn-qystaý kezeńde oblys halqyna qol ushyn sozyp, 26 450 000 teńgege Astrahan qalasynan qazirgi tańda óte qajetti dári-dármekterdi aldyrtty.

Biraz kún buryn Atyraý oblysynyń bas ımamy Altynbek Utyshan halyqqa dári-dármekpen qamtamasyz etý týraly qaltaly azamattarǵa Úndeý jarııalaǵan bolatyn.

Reseıden əkelingen búgingi kúnniń eń qajetti dərilerin meshit basshylyǵy Atyraý oblystyq densaýlyq saqtaý basqarmasynyń ruqsat qaǵazy (resept) arqyly taratatyn bolady. Sebebi dərini, antıbıotıkterdi óz betimen qabyldaý adam densaýlyǵyna qaýip tóndirýi múmkin. Dəri-dərmek meshitten berilmeıdi.

@iman_zhastary eriktileri arnaıy bólingen 10 kólikpen dári-dármekpen úılerge jetkizip beredi. Imanǵalı aǵamyz aldaǵy kúnderde Atyraýdy halqyna mıllıon teńgege IVL apparatyn alyp bermek.

"Ulym deıtin el bolmasa, elim deıtin ul qaıdan shyǵady" demekshi osyndaı syn saǵatynda demeý bildirgen el aǵalaryna alǵys bildiremiz" delingen jazbada.