18 Shilde, 2020 NEWS

Qazaqstanda taǵy bir jazýshy qaıtys boldy

Myrzageldi Kemel

Jazýshy, qoǵam qaıratkeri Myrzageldi Kemel ómirden ozdy. Bul aqparatty mádenıet jáne sport mınıstrliginiń baspasóz qyzmeti rastady.

Myrzageldi Kemel 1949 jyly 15 qańtarda Ońtústik Qazaqstan oblysy, Maqtaral aýdanynda týǵan. 1971 jyly Tashkent ırrıgasııa jáne aýyl sharýashylyǵyn mehanıkalandyrý ınjenerleri ınstıtýtynyń aýyl sharýashylyǵyn elektrlendirý mamandyǵyn, 2000 jyly M.H.Dýlatı atyndaǵy Jambyl ýnıversıtetiniń quqyqtaný fakýltetiniń zańger mamandyǵyn támamdaǵan.

Rýhanııat salasynda 10 kitap shyǵarǵan, olardyń ishinde ózi jazǵan izgilikke, ımandylyqqa, bilim-bilikke, aqyl-parasatqa úndeıtin tanymdyq-kósemsózdik eńbekterge qosa, qytaı aqylmandary Lao Szy men Konfýsııdi, ıspan pálsapashysy Baltasar Grasıan, ejelgi rım jáne grek aqylmandarynyń aforızmderin, qazirgi ilimderdi nasıhattaýshy Lýıza Heı, búgingi kúnniń eń ataqty jazýshylarynyń biri Paýlo Koelolardyń tańdaýly eńbekterin qazaq tilshe tárjimalaǵan. «Dúnıe» jáne «Ekologııa ı ýstoıchıvoe razvıtıe» jýrnaldaryn shyǵarýǵa. «Abzaldyq álippesi», «О́zime sabaq» sııaqty kitaptary oqyrman qaýymnan joǵary baǵasyn alǵan.

2004 jyly ekonomıka ǵylymdarynyń doktory ǵylymı ataǵyn alǵan. Qazaqstan Respýblıkasynyń Prezıdenti janyndaǵy Memlekettik basqarý akademııasynyń professory, 14 monografııanyń, 100-ge jýyq ǵylymı maqalalardyń avtory.

Ilmek sózder: myrzageldi kemel

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir