"42500 teńgege" ótinim qabyldaý tártibi ózgerdi

Eńbek jáne halyqty áleýmettik qorǵaý mınıstri egov.kz jáne 42500.enbek.kz-te 42 500 teńge mólsherindeni tólem taǵaıyndaýǵa ótinimderdi qabyldaý kezeń-kezeńmen júzege asyrylatynyn habarlady.

16 shildeden bastap biryńǵaı jıyntyq tólemdi tóleýshilerge tólemniń avtomatty túrde taǵaıyndalǵany týraly sms-habarlama jiberilip bastaldy. Mınıstrlik málimetinshe, 700 myń qazaqstandyqqa sms jiberilgen.

Biryńǵaı jıyntyq tólep, biraq sms almaǵan ózin-ózi jumyspen qamtýshylar proaktıvti qyzmet kórsetý aıaqtalǵannan keıin ǵana ótinim bildire alady.

Búgin, ıaǵnı 17 shildeden bastap jeke kásipkerler, azamattyq-quqyqtyq sıpattaǵy sharttar boıynsha tabys alatyn adamdar jáne jeke praktıkamen aınalysatyn adamdar úshin tólemge ótinim qabyldaý bastaldy.

О́z qyzmetkerlerine ótinim beretin jumys berýshiler (zańdy jáne jeke tulǵalar) úshin ótinim qabyldaý 19 shildeden bastalady.

Al ózin-ózi jumyspen qamtýshylar 20 shildeden bastap qana ótinim bildirýi kerek.