Dúrbeleń: Eýropada koronavırýstyń ekinshi tolqyny bastaldy

Eýropada koronavırýstyń ekinshi tolqynynyń alǵashqy belgileri paıda boldy. Barselona karantın jarııalady. Belgııada Covid-19-dyń jańa jaǵdaılary 32 paıyzǵa artqan. Shvesııada qaıta medısınalyq tekserý bastaldy. Ulybrıtanııada koronavırýs shekteýlerin jappaı buzǵan áleýmettik retsizdik paıda boldy. Bul týraly Qamshy tilshisi shetel aqparattaryna qysqasha sholý jasap habarlaıdy.

"О́tken aptamen salystyrǵanda, Belgııada koronavırýstyń aptalyq jańa jaǵdaılary 32 paıyzǵa artty. Covid-19 ınfeksııalarynyń ekinshi tolqyny bastalýy múmkin" dep habarlaıdy Daily Mail.

Al The Sun gazeti Barselonanyń karantınge májbúr bolǵanyn málimdegen. Ispanııadaǵy pandemııanyń ekinshi tolqyny saldarynan 1,6 mıllıon adamǵa "úıde bolý" eskertilgen.

Daily Express basylymynyń aqparatynsha, Shvesııa da uqsas jaǵdaılarǵa baılanysty medısınalyq tekserýler bastalǵan.

Ulybrıtanııada shekteý sharalary jeńildetilgennen keıin adamdar barlar men meıramhanalarǵa jınalǵan. Tórt aılyq shekteý alynǵannan keıin birinshi kúnnen bastap turǵyndar betperde kımeı, áleýmettik qashyqtyqty saqtamaı, kóp bolyp jınalyp, birin-biri quttyqtap, bas qosýlar uıymdastyrǵan. Bul jaǵdaıǵa baılanysty Ulybrıtanııa úkimeti barlardyń qaıta ashylýyn synǵa alǵan.