17 Shilde, 2020 NEWS

Pavlodarlyq meıirger: Biz sonda ne úshin kerekpiz?

Kórneki sýret

Katerına esimdi pavlodarlyq meıirger Instagram paraqshasynda dárigerlerdiń jumysy týraly áleýmettik jelide jazylǵan jaǵymsyz pikirlerge narazylyq bildirdi.

"Keıde maǵan osy bizdi, ıaǵnı meıirgerlerdi eshkim qajet etpeıtin sekildi.

Iá, kerek emespiz, sebebi sizder qalaı emdelý kerektigin, qaı̆ dárini qaı̆ ýaqytta ishý kerek ekenin bilesizder ǵoı. Qaı̆ ekpeni qaı̆da salý kerek ekenin nusqap otyrasyzdar.

Biz sonda ne úshin kerekpiz? Aıaq kıim súrtý úshin be?

Men eshkimnen qoshemet sózder kútpeımin, tek jelide jazylǵan "oı, olar ne istep jatyr", "meniń jaqynymdy jatqyzdy eshkim qarap jatqan joq, olarǵa báribir" degen pikirlerdi kórgende kóńilim qulazyp ketedi.

Ret-retimen aıtaıyq.

Kúnine tórt meıirger jumysqa shyǵamyz. Ekeýi bekette, ekeýi em-shara qyzmetinde. Bólimshede jatqan jetpis adam. Ár naýqastyń emdeý sharalary ártúrli.

Bir bólimshede 70 adam, 4 meıirger.

Biz fızıkalyq turǵyda alyp qarasaq, sizder oılaǵandaı ýaqytty bóle almaımyz. Arnaıy kıimniń ishinde tunshyǵyp júrgenimizge qaramastan, biz barlyǵy úshin ýaıymdaımyz. Dál solaı aýyryp jatqan jaqyndarymyz úshin de alańdaımyz. Keıde olardan aıyrylyp ta qalyp jatamyz. Sonyń barlyǵyna qaramastan biz sizge jáne jaqyndaryńyzǵa kómektesý úshin kúnde jumysqa kelemiz. Biz de adambyz, biraq biz jaǵanyń basqa jaǵyndamyz. 

О́zderińizdiń ashýǵa toly pikirlerińizdi ishte ustańyzdarshy. Biz qoldan kelgenniń barlyǵyn jasap jatyrmyz, keıde odan da kóp. 

Aýrýhanadan bir adam em alyp, jazylyp shyqsa, sol bizdiń jumysymyzǵa beriler baǵa" delingen dáriger jazbasynda. 

Sońǵy resmı aqparatqa sáıkes, elde koronavırýsqa shaldyqqandar sany 66 895 adamǵa jetip otyr. Osy ýaqytqa deıin olardyń 39 066-y aýrýynan jazylyp shyqty. Al 375 adam indetten kóz jumdy.


Ilmek sózder: dáriger meıirger

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir