Tuńǵysh prezıdent parkinde samokat pen velosıped tebýge bolmaıdy

Tuńǵysh prezıdent parkinde samokat pen velosıped tebýge nege tyıym salyndy? Bul suraqqa Almaty ákimshilik polısııasynyń basshysy Jandos Muratalıev jaýap berdi.

Instagram jelisinde rozysk_kz paraqshasyndaǵy tikeleı efır kezinde ákimshilik polısııa basqarmasynyń basshysyna Tuńǵysh prezıdent parkinde samokat pen velosıped tebýge nege tyıym salynǵany týraly suraq qoıylǵan bolatyn. 

Onyń aıtýynsha, shekteý jazataıym oqıǵalarǵa baılanysty engizilgen.

– Bul aýmaq kólik júretin bólik emes jáne jalpyǵa ortaq paıdalanylatyn joldar sanatyna jatpaıdy. Sondyqtan, buıryqty aýdan ákimdigi nemese qyzmet kórsetý uıymy belgileıdi. Shekteý balalar men basqa jaıaý júrginshilerdi samokatpen qulatyp ketý sııaqty jazataıym oqıǵalarǵa baılanysty engizildi. Osyǵan baılanysty velosıped joly alynyp tastaldy. Qazirgi ýaqytta elektrosamokattar jyldamdyǵy saǵatyna 30-40 shaqyrymǵa júretinin bilesizder. Qatty aıdaǵan kezde jaıaý júrginshi, ne júrgizýshiniń ózi zardap shegýi múmkin, – dedi Muratalıev.