700 myń qazaqstandyq 42 500 teńgeniń avtomatty túrde alady. Olar kimder?

700 myń qazaqstandyqqa 42 500 teńge mólsherinde birjolǵy tólemdi proaktıvti taǵaıyndaý týraly SMS habarlama tústi, dep habarlady Eńbek jáne halyqty áleýmettik qorǵaý mınıstrliginiń baspasóz qyzmeti.

"Tótenshe jaǵdaı kezeńinde tólem alǵan, qyzmetiniń qaıta shektelý múmkindigi joǵary 700 myń qazaqstandyq 42 500 teńge kólemindegi tólemdi proaktıv taǵaıyndaý úshin SMS-habarlama aldy" delingen vedomstvonyń habarlamasynda.

Keshe eńbek jáne halyqty áleýmettik qorǵaý mınıstri Birjan Nurymbetov tótenshe jaǵdaı kezinde tólem alǵan azamattarǵa, olardyń qyzmeti osy jyldyń shilde aıynda shekteýlerge ushyraýy ábden múmkin ekenin, sondyqtan tólemdi proaktıvti taǵaıyndaý úshin kiristi joǵaltý faktisin rastaý úshin SMS-habarlama jiberiletinin aıtty.

– О́tkende 42500 teńgeni sátti alǵan turǵyndardy saraptaı kelip, jaǵdaıy ózgermedi-aý dep boljaǵan kisilerge suraý jiberip jatyrmyz. Siz ótkende 42500 teńge aldyńyz, bul joly da tabysyńyzdan aıyryldyńyz ba degen SMS jiberdik. Iá degen jaýap kelse, sol turǵynǵa esh ótinishsiz tólem taǵaıyndaý sharasyn jasaımyz. Sondyqtan, búgin SMS alǵan kisiler tabystan aıyrylǵanyńyzdy rastaǵan bolsańyz, erteń juma kúni portaldarǵa ótinish berýdiń qajeti joq. Jaı ǵana óz mártebeńizdi tekserseńiz, "Siz úshin ótinish qabyldandy" dep jazylyp turady, – degen keshe mınıstr Nurymbetov.