17 Shilde, 2020 NEWS

Tramp Qytaıdyń mıllıondaǵan tulǵasyna sanksııa salmaq

Qarasha aıynda bolatyn AQSh-taǵy prezıdent saılaýyna daıyndalyp jatqan Donald Tramp pen demokratııalyq partııadan úmitker Djo Baıden Qytaıǵa qarsy qatań saıasattan bir-birinen asyp túsý úshin básekege túsýde. Tramp Qytaıdyń mıllıondaǵan tulǵalaryna sanksııa salmaq.

Getty

Tramp Qytaıdyń mıllıondaǵan tulǵalaryna sanksııa salmaq. Sanksııaǵa Qytaı kommýnıstik partııasynyń joǵary laýazymdy tulǵalarynan bastap, olardyń balalary, otbasy músheleri, tipti, bıznes ókilderi jáne ondaǵan mıllıon qytaı azamaty enýi múmkin. Bul týraly Qamshy tilshisi Ýoll-Strıt Djornal, Reuters jáne Nıý-Iork Taıms gazetine sholý jasap, habarlady.

Tramp ákimshiligi Qytaı Kommýnıstik partııasynyń (QKP) laýazymdy músheleri men olardyń otbasy múshelerine AQSh-qa saparlaýǵa tyıym salýdy qarastyrýda, – dep habarlaǵan Aq úıge jaqyn aqparat kózderi.

– Alaıda sheshim qabyldaý prosesi áli erte satyda jáne bul tyıym retroaktıvti túrde qoldanylatyny áli anyqtalǵan joq. Sondyqtan oǵan AQSh-ta turyp jatqan adamdar da kirýi múmkin, – dep habarlady Ýoll-Strıt Djornal.

Aq úıdiń baspasóz hatshysy Kaılı MakEnanı jýrnalısterge AQSh Qytaıǵa qatysty barlyq nusqalardy qarastyratynyn málimdedi.

Al bul aqparatty alǵash bolyp jarııalaǵan Nıý-Iork Taımstyń pikirtalastary boıynsha, bul Vashıngtonnyń Beıjińmen aradaǵy arazdyqtyń eń qatań áreketteriniń biri bolýy múmkin. Keıbir sarapshylar "ondaǵan mıllıon qytaıǵa vıza berýden bas tartý týraly sheshim bolýy múmkin" dese, keıbiri muny "jańa qyrǵı-qabaq soǵystynyń bastalýy" dep túsindirýde. 

– AQSh-tyń kóptegen agenttikterindegi sheneýnikter Kommýnıstik partııa músheleriniń balalarynyń Amerıka ýnıversıtetterinde oqýyna tyıym salý týraly máseleni qarastyratyn proseske qatysady, – deıdi talqylaý týraly aqparat taratqan derekkózder.

Mundaı tyıymnyń qalaı talqylanyp jatqany Tramptyń kómekshileri bárin daıyndaǵan kezde jarııalanýy múmkin. Sebebi Qytaıǵa qarsy qatań taqyryptardy Tramp óziniń qarasha aıyndaǵy qaıta saılaý naýqanyna baǵyttaıdy.

Tramp pen prezıdenttikten úmitker demokrat Djo Baıden ekeýi Qytaıǵa qarsy qatań saıasattan bir-birinen asyp túsý úshin básekege túsýde.

"Mundaı tyıym júzege asyrylsa, Qytaı Kommýnıstik partııasynyń eń joǵary deńgeıinen bastap ártúrli deńgeıine deıin soqqy beriledi" deıdi Reuters agenttigi. Tipti buǵan tek qana dıplomattar ǵana emes, sonymen birge bıznes-menedjerler de kirýi múmkin.

Buǵan deıin AQSh sońǵy aptalarda Qytaıǵa birqatar sanksııalar engizse de, Tramp Gonkongqa qatysty Qytaıdyń keıbir joǵary laýazymdy sheneýnikterin sanksııalaýǵa daıyn emes ekenin habarlanǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir