17 Shilde, 2020 NEWS

Toqaev Úkimetke pandemııa statıstıkasyn ashyp aıtýdy mindettedi

Kórneki sýret

Prezıdent Qasym-Jomart Toqaev Úkimetke pandemııanyń statıstıkasyn birizdendirý mindettelgenin habarlady. Bul týraly ol Twitter paraqshasynda jazdy. 

"Úkimetke pandemııanyń statıstıkasyn birizdendirý mindetteldi. Azamattardyń densaýlyǵy men ómirine koronavırýstan bólek, ókpe qabynýy da úlken zardabyn tıgizip otyr" delingen prezıdent jazbasynda.

Sonymen qatar eldegi pandemııa ahýaly týraly qoǵam barlyǵyn bilýi tıis ekenin atap ótti.

"Pandemııa ahýaly týraly barlyq aqparat qansha jerden ashy bolsa da, ony qoǵam bilýge tıis. Jarııalylyq pen ózara senim bolǵanda ǵana, biz birlese otyryp bul indetti tezirek jeńemiz" dedi Qasym-Jomart Kemeluly.

Sońǵy resmı aqparatqa sáıkes, elde koronavırýsqa shaldyqqandar sany 66 895 adamǵa jetip otyr. Osy ýaqytqa deıin olardyń 39 066-y aýrýynan jazylyp shyqty. Al 375 adam indetten kóz jumdy.

Ilmek sózder: toqaev pandemııa

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir