42500 teńgeni ótken joly alǵan azamattar qaıta ótinish bermeıdi. Bul týraly eńbek jáne halyqty áleýmettik qorǵaý mınıstri Birjan Nurymbetov onlaın brıfıngte habarlady.

42500 teńgeni ótken joly alǵan azamattarǵa sms-habarlama jiberiledi. Olar qaıtadan ótinish bermeı-aq, enbek.kz jáne E-gov portalynan ótinim mártebesin baqylap otyrýy kerek.

– Birden birneshe elektrondyq platformalarda ótinim bermegen jón. Bul portaldyń jumysyn qıyndatady. О́tken joly ótinish 18 mln ret berilgendikten, ekinshi ret ótinish júrgizilmeıdi. JSN boıynsha bir ret aryz berińiz. Biraq bárin muqııat tekserińiz. 12 sandyq kartanyń nómirin emes, 16 sandyq shottyń durys málimetterin kórsetý kerek. О́tinimińizdiń qabyldanǵanyn kútińiz. Sodan soń portaldaǵy mártebeńizdi baqylaı alasyz, – dedi ol. 

Sondaı-aq mınıstr 42500 teńge járdemaqyny alýǵa ótinishter 1 qyrkúıekke deıin qabyldanatynyn jetkizdi.



"Qamshy" silteıdi
Ilmek sózder: 42500 Birjan Nurymbetov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir