• USD 468.56

  • EUR 497.56

  • RUB 7.3

  • CNY 67.18

29 Naýryz, 18:16:47
Almaty
+35°

Qazaqstanda koronavırýs ınfeksııasyn juqtyrǵan medısına qyzmetkerlerine ótemaqy tóleý bastaldy. Bul týraly QR Eńbek jáne halyqty áleýmettik qorǵaý mınıstri Birjan Nurymbetov málimdedi.

– Bul ótemaqy densaýlyq saqtaý men eńbek jáne halyqty áleýmettik qorǵaý mınıstrlikteriniń birlesken buıryǵyna sáıkes tólenedi. Tólem operatory retinde memlekettik áleýmettik saqtandyrý qory bekitilgen. О́temaqy tóleýge ótinishterdi óńirlik densaýlyq saqtaý basqarmalary komıssııanyń tıisti sheshimderi negizinde jiberedi, – dep atap ótti mınıstr Ortalyq kommýnıkasııalar qyzmetinde ótken brıfıngte.

Mınıstrdiń aıtýynsha, búgin saǵat 14:00-degi jaǵdaı boıynsha, ótemaqy tóleýge alty óńirden 123 ótinish kelip túsken.

– Ereje boıynsha úsh jumys kúninde memlekettik áleýmettik saqtandyrý qory bul azamattarǵa eki mln teńgeden tóleýi tıis. Qarajat ótinimde kórsetilgen rekvızıtterge jiberiledi. 123 ótinim ishinde qyzmet babymen qaıtys bolǵan medısına qyzmetkerleri joq. Olar boıynsha áli ótinim berilmedi, – dedi B. Nurymbetov.

Qazaqstan qyzmet barysynda koronavırýs ınfeksııasyn juqtyrǵan medısına qyzmetkerine – eki mıllıon teńgeden, qaıtys bolǵan qyzmetkerdiń otbasyna – on mıllıon teńge ótemaqy bekitilgen edi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir