Eńbek jáne halyqty áleýmettik qorǵaý mınıstri Birjan Nurymbetov 42 500 teńgege ótinish qaı ýaqytqa deıin qabyldanady jáne qaı sanattaǵy azamattarǵa beriletinin aıtty. 

– Erteńnen bastap shilde aıyna 42500 teńge tóleý jóninde ótinim qabyldaýdy bastaımyz. Mundaǵy jalpy negizgi qaǵıdat – bul tólem jumys istep júrgen jáne karantınniń kúsheıtilgen sharalaryna qatysty tabysynan aıyrylǵandarǵa tólenedi. Birinshiden, bul járdemaqy karantındik shekteýlerge qatysty aqysyz demalysqa jiberilgen jaldamaly jumyskerlerge beriledi. Bul jerde ótinishti tek jumys berýshi jiberedi. Jumys berýshilerge qoıylatyn bir ǵana shart – olardyń jumysy karantınde toqtap qalsa ǵana beriledi. Ony jergilikti aýdan, qala boıynsha shtattar, Atameken UKP óńirlik ókilderi tekseredi. Sebebi, qazirgi shekteý sharalary jeńildeý bolǵanymen, ár óńirde bas sanıtarlyq dárigerler óz shekteýlerin qoıyp jatyr, – dedi mınıstr Ortalyq kommýnıkasııalar qyzmetinde ótken brıfıngte.

Onyń aıtýynsha karantınde jumysy toqtap qalǵan jeke kásipkerler, jeke praktıkamen aınalysatyndarǵa 42500 teńge tólenedi. Ony aýdan, qaladaǵy shtab pen salyq komıtetiniń ókilderi belgileıtin bolady.

Jaldamaly qyzmetker bolyp tabylmaıtyn, tólem taǵaıyndaýǵa jatatyn azamattar:

  • egov.kz – «elektrondyq úkimettiń» veb-portaly;
  • 42500.enbek.kz portaly;
  • «Elektrondyq úkimet» telegram-bot-y;
  • Aitu messendjerinde42500.enbek.kz qosymshasy;
  • ekinshi deńgeıdegi bankterdiń mobıldi qosymshalary men                   ınternet-resýrstary arqyly ótinish bere alady.

Mınıstr 42 500 teńgege ótinishterdi qabyldaý 2020 jyldyń 1 qyrkúıegine deıin jalǵasatynyn atap ótti.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir