Ortalyq kommýnıkasııalar qyzmetiniń baspasóz máslıhatynda karantın rejımine qalaı monıtorıng júrgizilip jatqany aıtyldy. Bul týraly Qazaqstan densaýlyq saqtaý mınıstrligi taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev habarlady.

Onyń aıtýynsha, 6-14 shilde aralyǵynda monıtorıngtik toptar karantın ýaqytynda jumys istep turǵan 16 572 nysandy tekserdi. 1617 nysannyń zań buzǵany anyqtalyp, 564 nysan kemshiligin túzetkenge deıin qyzmetin óz erkimen toqtatty. Ákimshilik buzýshylyq týraly 225 hattama toltyrylyp, aıyppul salynǵan.

– Saýda nysandarynda, qoǵamdyq tamaqtaný oryndarynda erejeler jıi buzylyp jatady. Atap aıtqanda adamdar maska kımeıdi, áleýmettik qashyqtyq saqtalmaıdy, termometrııa júrgizilmeıdi,–dedi ol.

Buǵan mysal, Aqmola oblysynda 500 sharshy metrlik dúken ruqsat berilmese de jumys istegen. Dúken ıesine zań buzǵany úshin 638 940 teńge mólsherinde aıyppul salyndy. Sondaı-aq Semeıdegi "Álem" saýda úıi men "Voshod" bazarynyń ıelerine  karantın ýaqytynda jumys istegeni úshin aıyppul salynǵan. Qostanaı oblysyndaǵy saýda nysandarynyń qyzmetkerlerinde maska da, qolǵap ta, antıseptık te bolmaǵan. Almaty meıramhanalarynda 30 adam qatysqan banket pen 100 adam shaqyrylǵan úılený toıy ótken. Karantın rejıminiń erejelerin buzǵan eki mekeme ıesine de aıyppul salyndy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir