Keshe, 15 shilde kúni Túrkistan oblysy ákiminiń birinshi orynbasary Qosman Aıtmuhametov qaıtys boldy. Bul týraly oblys ákiminiń orynbasary Sáken Qalqamanov Facebook paraqshasynda jazdy. 

57 jastaǵy Aıtmuhametovtyń ólimine koronavırýs sebep. Bul aqparatty Qazaqstan qaýipsizdik keńesiniń hatshysy Áset Isekeshev habarlady.

“О́kinishke qaraı, koronavırýs qurbandary kún saıyn artyp keledi. Túrkistan oblysy ákiminiń birinshi orynbasary, Aqmola oblysynyń burynǵy ákimi jáne Astana qalasy ákiminiń burynǵy orynbasary Qosman Qaıyrtaıuly Aıtmuhametov ómirden ótti. Men onymen astana ákimdiginde birge jumys istep edim” dep jazdy Isekeshov Facebook paraqshasynda.

 

Qosman Aıtmuhametov 1963 jyly 29 tamyzda Aqmola oblysy Bestóbe aýylynda dúnıege kelgen. Aqmola ınjenerlik qurylys ınstıtýtyn “ınjener-mehanık” mamandyǵy boıynsha (1986 jyl), Qazaq gýmanıtarlyq zań ýnıversıtetin “zańger” mamandyǵy boıynsha (2006 jyl) támamdaǵan.

Túrkistan oblysy ákiminiń birinshi orynbasary bolyp 2019 jyldyń aqpanynda taǵaıyndalǵan. Oǵan deıin bes jylǵa jýyq Astana qalasy ákiminiń orynbasary bolǵan.

Buǵan deıin de Qazaqstanda birneshe sheneýnik koronavırýs jáne pnevmonııa aýrýynan qaıtys bolǵan. Olardyń arasynda qorǵanys vıse-mınıstri Baqyt Qurmanbaev, Almaty oblysy ákiminiń orynbasary Serikjan Beskempirov, Aqtaý qalasy ákiminiń orynbasary Gúljazıra Aldasheva bar.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir