Qazaqstannyń ádilet mınıstri Marat Beketaev ortalyq kommýnıkasııalar qyzmetinde ótken brıfıngte karantın kezinde otbasylyq jıyn-toı jasaǵandarǵa qandaı jaza qoldanylatynyn aıtty.

– Karantın kezinde aýlasynda otbasylyq saltanattar men toı jasaǵandar ákimshilik quqyq buzýshylyqtyń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha jaýapkershilikke tartylady. Alǵashqy zań buzýshylyq úshin 83 myń teńge kóleminde aıyppul salý kózdelgen, – dedi ol.

Onyń sózinshe, karantın kezindegi toı azamattardyń jappaı indet juqtyrýyna ákelip soqsa, onda aıyppul kólemi artady.

Al toıǵa baryp indet juqtyrǵannyń sońy qaıǵyly aıaqtalsa, onda toı ıeleri qylmystyq jaýapkershilikke tartylýy múmkin.

Ilmek sózder: karantın jıyn-toı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir