15 Shilde, 2020 NEWS

Qytaıdyń ıadrolyq zymyrandary Amerıkaǵa 30 mınýt ishinde jetedi

Sýrette: Gıpersonıkalyq zymyran (Modern Diplomacy.eu)

Áskerı sarapshylardyń pikirinshe, Qytaıdyń bir sátte 10 ıadrolyq oqtumsyq ornalastyra alatyn ballıstıkalyq zymyrany bar. Olar Amerıkadaǵy kez kelgen nysanaǵa 30 mınýtta jetedi. Bul týraly Qamshy tilshisi Nıý-Iork Taıms basylymyna silteme jasap habarlaıdy.

Basylymynyń jazýynsha, "Dongfeng-41 (DF-41)" zymyrany Qytaıdyń eń qaýipti áskerı tehnıkasynyń biri. Ol Qytaıdyń jolmen qozǵalatyn mobıldi qurlyqaralyq ballıstıkalyq zymyrany. Zymyran 2019 jyldyń 1 qazanynda Qytaıdyń ulttyq kúnindegi áskerı sherýde resmı túrde jarııalanǵan. Ol 12 myńnan 15 myń shaqyrymǵa deıingi aralyqqa jete alady.

Qytaı halyq-azattyq armııasy byltyr Beıjińniń Tıananmen alańynda ótken sherýde kem degende 16 "Dongfeng-41" zymyrany men kóligin kórsetken.

Áskerı sherýge 15 myń ásker, 580 dana áskerı tehnıka jáne 160-tan astam joıǵysh ushaq qatysqan.

Sondaı-aq dybystan jyldam zymyran, gıpersonıkalyq zymyran jáne robotty súńgýir qaıyq kórsetilgen. Al iri ballıstıkalyq zymyran ortalyqta júrgen.

"Dongfeng 41" týraly egjeı-tegjeıli aqparat resmı túrde jarııalanbaǵan. Degenmen Vashıngtondaǵy strategııalyq jáne halyqaralyq zertteýler ortalyǵy zymyrannyń AQSh-qa 30 mınýtta jetip, 10-ǵa jýyq oqtumsyqpen jekelegen nysanalarǵa tıe alatynyn málimdegen.

Qytaı halyq-azattyq armııasynyń otstavkadaǵy polkovnıgi Iýe Gang "Financial Times" gazetine bergen suhbatynda "Biz bul úlken kıllerdi Amerıka úshin qoldanǵymyz keledi. Bizdiń sizdermen básekelesýge múmkindigimiz bolmasa da, Amerıkanyń bizge qarsy birinshi bolyp soqqy jasaýǵa batyly jetpeýi úshin biz qazir birneshe erekshe jabdyqty jasap jatyrmyz" degen.

Stokgolm halyqaralyq beıbitshilikti zertteý ınstıtýtynyń (SIPRI) málimeti boıynsha, Qytaıda 280, Amerıkada 6450. Reseıde 6850 ıadrolyq oqtumsyq bar.

Ilmek sózder: Qytaı zymyran AQSh

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir