"Jas Otan" JQ belsendileri elimizdiń medısına qyzmetkerlerin "Alǵys paketterimen" qýantty

Árbir osy pakette dárigerlerge arnalǵan vıtamınder men paıdaly qasıetteri bar ónimderdiń onnan astam túri salynǵan. Paketterge atalǵan ónimder dárigerlerdiń usynysy boıynsha salynǵanyn atap ótý kerek.

Volonterdiń aıtýynsha, bul aksııa elimizdiń barlyq óńirlerinde jalǵasyn tabýda. 

"Búgin biz, jasotandyqtar, bizdiń erjúrek dárigerlerimiz úshin aksııa uıymdastyrdyq. О́ıtkeni, olar búkil qoǵamdy ábigerge salǵan koronavırýs pandemııasymen kúndelikti kúresýde. Árbir pakette vıtamınder men mıneraldar bar paıdaly ónimder salynǵan. Sondaı-aq, bul aksııany óńirlerde bizdiń eriktiler jalǵastyratyn bolady. Biz bul aýrýdy birlesip jeńemiz dep senemin", - Aıdarbek Baqdaýlet.

"Jas Otan" JQ 100-den astam eriktisi birneshe apta boıy óz otbasylarynan oqshaýlaýǵa májbúr bolǵan orta býyn medısına qyzmetkerleri úshin "Alǵys paketterin" taratýdy uıymdastyrýdy josparlap otyr.

Qazirgi ýaqytta Nur-sultan qalasynda koronavırýsqa qarsy kúreste 2,5 myńnan astam medısına qyzmetkeri, Almatyda 4 myń medısına qyzmetkeri jumys isteıdi.