Túrkistan oblysy parkindegi jer arabtarǵa berilgeni ras pa? (vıdeo)

Jelide Túrkistan oblysynda ornalasqan Saıram-О́gem memlekettik ulttyq tabıǵı parkiniń  70 gektar jerin arabtar jalǵa alǵany týraly vıdeo paıda boldy. Vıdeony Erlan Faızýllaev  jáne Janmurat Ashatev esimdi Facebook jelisiniń belsendi qoldanýshylary túsirgen.

Aıtýlarynsha, taý ishinen soǵylǵan ǵımarattar sózderine dálel bola alady.

"Bul men neshe kúnnen bergi arabtarǵa ne maqsatpen jer berilgenin talap etip júrgen Túrkistan oblysyndaǵy 4 aýdannyń biri – Tólebı aýdanyndaǵy Saıram-О́gem memlekettik ulttyq parkindegi jalǵa arabtarǵa berilgen jer. Taýdyń eń keremet jeri Qasqasýda 70 ga jerdi bergen. Onda kishigirim qalashyq" dep jazdy belsendi Faızýllaev.

Qamshy tilshisi máseleniń mán-jaıyn bilý úshin Saıram-О́gem memlekettik ulttyq tabıǵı parkiniń ákimshiligine qońyraý shaldy.

– Jerdi arabtar emes, Qazaqstan azamaty Bakıev Vıacheslav 2009 jyly 49 jylǵa jalǵa alǵan. Arabtardyń qarjylandyrýymen qurylys júrip jatyr. Jol saldy, sol jerdegi ǵımarattar da sol qarajatqa salyndy. Olar (jelidegi azamattar – red.) 70 gektar deıdi, birinshi qansha gektar ekenin surap, bilip alsyn. Bolmasa sol jerdi kelip ólshesin. Jalǵa berilgen jer kólemi – 13,2 gektar. Bul park jekemenshikke berilmeıdi. Bul – memlekettik jer. Biz jerdi tek 49 jylǵa nemese 5 jylǵa kelisimshart arqyly jalǵa bere alamyz, – deıdi Saıram-О́gem memlekettik ulttyq tabıǵı parkiniń týrızm jónindegi ınjıneri Shynáli Ospanov.