Qazaqstanda nan baǵasy qymbattady

Qazaqstanda bir jyldyń ishinde nannyń ortasha baǵasy 10,5%-ǵa qymbattady, dep habarlady ranking.kz.

Birinshi surypty unnan jasalǵan bıdaı nany 9,2%-ǵa, joǵary surypty unnan jasalǵan nan 13,5%, qara bıdaıdan jasalǵan nan 12,6%-ǵa qymbattaǵan.

Qazaqstannyń iri qalalary men megapolısteriniń ishinde birinshi surypty unnan jasalǵan bıdaı nany Atyraý (bir kelisi 178 teńge) jáne Aqtaý (bir kelisi 173 teńge) turǵyndary úshin qymbatqa tústi. Mundaı nan Almatyda (kelisi 132 tg) jáne Tarazda (bir kelisi 138 tg) arzan.

Sońǵy aıda Kókshetaýda nan 5,6%-ǵa (169 teńgege), Tarazda bir jyl ishinde 27,8%-ǵa qymbattady.

Al qara bıdaı nany, ásirese Nur-Sultanda (bir kelisi 315 tg), О́skemende (bir kelisi 314 tg) jáne Semeıde (bir kelisi 313 tg) qymbat. Al Aqtóbe men Taldyqorǵan qalalarynda arzan (bir kelisi 187 teńge).

Bir aı ishinde qara bıdaı nany Kókshetaýda (+ 4,3%) jáne Oralda (+ 4%), bir jyl ishinde Atyraýda (+ 39,1%) qymbattady.

Joǵary surypty bıdaı uny Nur-Sultan(bir kelisi 414 teńge), О́skemen (bir kelisi 376 teńge) jáne Semeıde (bir kelisi 337 teńge) turǵyndary úshin qymbatqa túsip otyr. Eń arzan nan Qyzylorda (kelisi 203 tg) men Tarazda (kelisi 207 tg).

Joǵary surypty bıdaı unynan jasalǵan nannyń quny bir aıda Almatyda 4,3%, bir jylda Tarazda 21,1% qymbattady.

Qazaqstanda qańtar-mamyr aılarynda nan óndirisi 292,8 myń tonnany qurady. Bul ótken jyldyń sáıkes kezeńimen salystyrǵanda 1,3%-ǵa az.