Túrkistan oblysynda eki adamdy qaǵyp, oqıǵa ornynan qashyp ketken kúdikti ustaldy

Polıseıler Túrkistan oblysynda eki adamdy qaǵyp, oqıǵa ornynan qashyp ketken júrgizýshini ustady. Bul týraly Polisia.kz málimdedi. 

Shardara aýdanynyń turǵyny túngi ýaqytta Báıdibek aýdandyq polısııa bólimine aryzdanyp, Shymkent-Samara tasjolynyń boıynda ózderin belgisiz kólik qaǵyp ketkenin jáne bir adamnyń kóz jumǵanyn habarlaǵan.

Polısııa oqıǵanyń mán-jaıyn anyqtady.

Júrgizýshisi men onyń kómekshisi "VAN Hool" markaly jolaýshy tasymaldaıtyn avtobýs kóliginiń aqaýyn tekserip turǵan. Osy ýaqytta "Gaz-53" markaly kóliktiń júrgizýshisi buzylyp turǵan avtobýsty janaı soǵyp, odan keıin sol jerde turǵan jábirlenýshi men kólik júrgizýshisin qaqqan. Keıin oqıǵa ornynan boı tasalap, qashyp ketken.

Avtobýstyń júrgizýshisi jeńil dene jaraqattaryn alǵan. Onyń kómekshisi oqıǵa ornynda qaıtys bolǵan. Kúdikti oqıǵa ornynan qashyp ketip, qutylmaq bolǵanyn tolyq moıyndady.

Báıdibek aýdandyq polısııa bóliminiń qyzmetkerleri jedel izdestirý sharalaryn bastady. Nátıjesinde júk kóligi Saıram aýdanynan tabylyp, avtokólikti jóndeýge qaldyryp ketken kúdiktiniń jeke basy anyqtaldy. Ol Saıram aýdanynyń turǵyny bolyp shyqty.

Qazirgi ýaqytta kúdikti qamaýǵa alynyp, onyń júk kóligi aıypturaqqa qoıyldy. Qylmystyq is boıynsha avtokólikke tıisti saraptamalar taǵaıyndalyp, sotqa deıingi tergep-tekserý amaldary júrgizilip jatyr.​​​