• USD 468.56

  • EUR 497.56

  • RUB 7.3

  • CNY 67.18

28 Naýryz, 12:20:47
Almaty
+35°

Qazaqstandyq neırohırýrg dáriger Myńjylqy Berdiqojaev Qazaqstanda bes júz myń adamnyń koronavırýs juqtyrǵanyn aıtty. Ol bul aqparatty jýrnalıst Nartaı Aralbaımen suhbat barysynda málimdedi.

Qazaqstandaǵy koronavırýs jaıyndaǵy qate aqparattarǵa PSR testteri dáldiginiń óte tómendigi sebep bolǵanyn jetkizgen neırohırýrg shildeniń basynda ǵana 415 pnevmonııa anyqtalǵanyn aıtty.

– 25 maýsymnan 5 shildege deıin 415 pnevmonııa anyqtalǵan. Onyń shamamen 20 paıyzy, odan da tómen paıyzynda ǵana biz koronavırýstyń PSR-in dáleldep otyrmyz. Qalǵan 80 paıyzy PSR dáleldenbegen, biraq kompıýter jáne rentgen boıynsha ol jerde koronavırýsqa tán ózgerister bar. Ol degenimiz eger 100 paıyzdy alatyn bolsaq, onyń ishinde tek qana 20 paıyzynda koronavırýstyq pnevmonııa anyqtalyp otyr, – dedi dáriger suhbatta.

Jýrnalıstiń "sonda sizdiń sózińizshe, qazir 150 myń pnevmonııamen anyqtalǵan adam bar?" degen suraǵyna neırohırýrg odan da asyp ketkenin aıtty.

–  Jarty mıllıonǵa jetip qalǵan shyǵar. Ol bylaı ǵoı, koronavırýstyń 80 paıyzy sıptomsyz nemese jeńil túrde ótedi nemese ortasha túrde ótedi. Qalǵan 15-20 paıyzy aýyr túrde ótedi. Qaıtys bolyp jatqan nemese aýrýhanaǵa túsip qalyp jatqandar aýyr nemese ortasha túrdegi naýqastar. Endi qolyńyzdaǵy turǵan sıfrlardy jaı sonyń prosentine kóbeıte beresiz ǵoı. Proporsııamen....Ol shyndyq. Eshkim koronavırýstyń bar ekenin moıyndamaıdy, – dedi maman.

Berdiqojaev suhbatta ótken jyly 60 myń, al 2020 jyly shildeniń bir aptasynda ǵana 60 myń adam pnevmonııaǵa shaldyqqanyn málimdedi.

Jýrnalıstiń "ony mınıstrlik nege moıyndamaıdy" degen suraǵyna "mınıstrlik moıyndaǵan shyǵar, biraq olardyń ózderiniń bir algorıtmderi bar ǵoı" dep jaýap berdi.

Dáriger koronavırýstyń qazaqstandyq shtamy paıda bolǵanyn, ony testpen anyqtaý múmkin emestigin de jarııalady. Onyń sebebi retinde vırýs mýtasııaǵa ushyraǵanyn nemese testtik júıe qate jumys isteıtinin málimdedi. Sondyqtan test ótkizýdi toqtatý kerektigi de aıtyldy.

"Qamshy" silteıdi
Ilmek sózder: Qazaqstan koronavırýs

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir