Batys Qazaqstan oblysynda aýyl órtenip jatyr (vıdeo)

Áleýmettik jelide Batys Qazaqstan oblysynda aýyl órtenip jatyr delingen vıdeo tarap jatyr. О́rt Batys Qazaqstan oblysy Aqjaıyq aýdany Kolovertnoe aýyly mańynda naızaǵaı túsýi saldarynan shyqqany belgili boldy.

Jalyn saldarynan aýyldaǵy eki úı men birneshe aýyl sharýashylyǵy nysany órtenip ketken.

Vıdeodan "Toǵaıdan bastaldy. Búkil aýyl tolyǵymen órtendi. Qujattardy jınap jatyrmyz" degen aýyl turǵyndarynyń sózin estýge bolady.

Oblystyq tótenshe jaǵdaı departamentiniń málimetinshe, órt naızaǵaı túsýiniń saldarynan bastalǵan. Oqıǵa 13 shildede bolǵan. Aldymen orman, artynan qurǵaq shóp pen buta órtengen. Aýdanda órttiń birneshe oshaǵy tirkeldi. Qyzyl jalyndy aýyzdyqtaý úshin oqıǵa ornyna Atyraýdan "Qazavıaqutqarý" AQ-nyń MI-884 tikushaǵy men arnaıy quram jiberilgen. Jalyndy 40 gradýstyq aptap ystyq pen jel ýshyqtyrǵan.

"Shaǵataı jáne Aqsoǵym aýyldarynyń mańynda qurǵaq shóp pen butalar órtendi. 16.00-de qatty jeldiń saldarynan órt Oral ózeni arqyly Kolovertnoe aýylyna tarady. Munda ózenniń eni shamamen 100 metr.

Qolda bar derek boıynsha, 5 gektar jer órtengen. Sondaı-aq eki úı men 4 aýyl sharýashylyǵy nysany órtenip ketti. Eki úıdiń bireýinde ǵana adamdar turǵan. 42 turǵyn, 15 iri qara mal, 25 usaq mal jáne 30 qus qaýipsiz jerge kóshirildi" delingen  oblystyq Tótenshe jaǵdaı departamenti taratqan habarlamada.

О́rtti sóndirýge 93 adam men 11 tehnıka jumyldyryldy. О́rt áli kúnge deıin sóndirilip jatyr.

Okrýgke kelgen shyǵyn kólemin anyqtaý úshin arnaıy komıssııa qurylady.

– Meniń 30 jyl turǵan úıim qırady. О́rt Jaıyq ózeniniń arǵy betine tarap ketti. Onda orman órtendi. Qazirgi tańda aýyl turǵyndaryna kómek kórsetilip jatyr, –  deıdi Kolovertnoe aýylynyń turǵyny Vasılıı Sobolev.