Koronavırýs: Qazaqstan 30 eldiń qataryna qosyldy

Qazaqstan densaýlyq saqtaý mınıstrligi elde ótken táýlikte 1759 adamnan koronavırýs tabylǵanyn habarlady.

Vedomstvo jarııalaǵan sońǵy derekke saı, elde vırýs juqtyrǵandar sany 63 myńnan asty. Olardyń 38 myńnan astamy jazyldy. Osy ýaqytqa deıin 375 adam koronavırýstan qaıtys boldy. 

Koronavırýsqa baılanysty álem elderiniń statıstıkasyn jarııalap otyratyn Worldometers.info saıtynyń 15 shildedegi derginshe, Qazaqstanda koronavırýs juqtyrǵandar sany jóninen dúnıejúzinde bir saty joǵarylyp, 30-orynǵa turaqtady. Tizimde 29-orynda turǵan Belorýste juqtyrǵandar sany Qazaqstanmen shamalas. 

О́lim boıynsha da, juqtyrǵandar sany jóninen de AQSh áli kósh bastap tur. Elde indetke shaldyqqandar syny úsh jarym mıllıonnan asty, 139 myńnan asa adam óldi. 

Worldometers.info saıtynyń sońǵy málimetine saı, dúnıejizinde 13,5 mıllıonǵa jýyq adamǵa Covid-19 juqqan. О́lgender sany 580 myńnyń ústinde.