08 Shilde, 2020 NEWS
Foto: ShQO aqparat ortalyǵy
Aımaq basshysy Danıal Ahmetov Covid-19 aýrýyna shaldyqqandardyń statıstıkasy jóninde aıtyp berdi.
Shyǵys Qazaqstan oblysyndaǵy aýrýhanalar 30 paıyzǵa toldy. Bul týraly aımaq basshysy Danıal Ahmetov málim etti.
Shyǵys Qazaqstanda 1 maýsymnan bastap koronavırýstyq ınfeksııa juqtyrǵandardyń sany 17 esege (135-ten 2313-ke deıin) artqan. Búgingi kúni 1242 (54%) naýqastan vırýstyń klınıkalyq belgiler anyqtalǵan. Qalǵan 1071 (46%) adamda koronavırýstyq ınfeksııa eshqandaı belgisiz tirkelgen.
Infeksııadan jazylǵandar da bar. Osy kúnge 1122 adam (48,5%) dertinen aıyqty. Onyń ishinde 505-i stasıonarda, 617-i ambýlatorııalyq em alǵan.
Qazirgi ýaqytta 1191 turǵyn stasıonarda em alýda. Sonyń ishinde 537-i ınfeksııalyq stasıonarda, 654-i provızorlyq nemese ambýlotorııalyq stasıonarda emdelip jatyr. Pasıentterdiń jaǵdaıy turaqty.
Aıta keteıik, shekteý sharalarynyń nátıjesinde Semeıdegi aýrý kórsetkishi 1,5 esege tómendedi. Dál osyndaı nátıje shilde aıynyń orta sheninde О́skemende de kútilýde.
ShQO aqparat ortalyǵy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir