Getty
"Ulybrıtanııa AQSh-Japonııa birlesken áskerı jattyǵýlaryn qoldaý úshin soǵys kemelerin jibermek. О́ıtkeni Qytaımen shıelenis kúsheıe tústi" dep málimdedi The Times gazeti. Bul týraly Qamshy tilshisi habarlaıdy.
The Times basylymynyń habarlaýynsha, Ulybrıtanııanyń jańa áskerı ushaqtar tasymaldaýshy quny 3 mıllıard fýnt sterlıngtik kemesi jáne joıǵysh ushaqtary Ońtústik Qytaı teńizine jiberilmek.
Soǵys ushaqtaryn tasymaldaýshylar ózge áskerı kemelermen birge barady. Áskerı tasymaldaýshylar eki "45-tıpti joıǵysh ushaǵy" jáne eki "fregattyń" súıemeldeýimen jolǵa shyǵady. Oǵan qosa taǵy eki joıǵyshtyń baratyny habarlandy.
The Times basylymynyń aqparatynsha, bul agressıvti Qytaıǵa qarsy turý úshin jasalǵan.
Buǵan deıin Ońtústik Qytaı teńizinde AQSh pen Qytaı áskerı kúshteri bir ýaqytta jattyǵý ótkizip jatqany habarlanǵan. Qytaı shildeniń basynda Parakel araldary mańyna soǵys kemelerin jibergen. Keıinirek, Vashıngton da Parakel araldary mańyna áskerı ushaqtar tasymaldaýshylaryn jiberdi. AQSh oǵan qosa, ıadrolyq bomlalaýshysyn da jóneltken.
Al qytaılyq Global Taıms basylymy Beıjińniń "kıller zymyrandary" AQSh soǵys ushaqtaryn tasymaldaýshylarǵa soqqy beretinin eskertken.
Áskerı sarapshylar eki eldiń kóptegen joıǵyshtary men kemeleriniń óte jaqyn qashyqtyqta jattyǵý ótkizýi áskerı qaqtyǵys qaýpin kúsheıtetinin málimdegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir