Dúnıejúzilik densaýlyq saqtaý uıymynyń (DDSU) basshysy Tedros Gebreısýs álemniń kóptegen elderi COVID-19-ben kúreste durys baǵyt ustanbady dep esepteıdi. Bul týraly reuters agenttigi habarlady

Onyń aıtýynsha, dúnıejúzinde jaqyn arada qalypty jaǵdaı ornaı qoımaıdy. 

Gebreısýs progreske qaramastan, jahandyq deńgeıde pandemııa qarqyn alyp kele jatqanyn atap ótti. Onyń pikirinshe, jaǵdaı áli de nasharlaıdy. 

Koronavırýs 2019 jyldyń sońynda Qytaıdyń Ýhan qalasynda paıda boldy. 11 naýryzda DDSU koronavırýs indetin resmı túrde ǵalamdyq pandemııa dep jarııalady.

Osy ýaqytqa deıin álemde 13,2 mln adam koronavırýs  juqtyrdy, qaıtys bolǵandar sany – 574 myń 671 adam .

Vırýstyń taralýy boıynsha AQSh kósh bastap keledi. Bul elde 3,5 mıllıonǵa jýyq adam COVID-19 juqtyrǵan, qaıtys bolǵandar 138 myńnan asty. Ekinshi orynda Brazılııa tur. Bul elde 1,88 mıllıon adam vırýs juqtyrǵan, olardyń 72 myńnan astamy óldi. Al Úndistanda 878 myń adam vırýs juqtyrǵan, 553 myńy emdelip, 23 myńnan astamy qaıtys bolǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir