14 Shilde, 2020 NEWS
arnapress.kz
Premer-mınıstr Asqar Mamın shilde aıyna áleýmettik járdemaqy kimderge beriletinin málimdedi. Bul týraly ol úkimet otyrysynda aıtty.
– Memleket basshysynyń tapsyrmasymen shekteý sharalary kezinde tabysynan aıyrylǵandarǵa áleýmettik járdemaqyny eń tómengi jalaqy mólsherinde bir aıǵa tóleý týraly sheshim qabyldap otyrmyz. Tólem karantınniń kúsheıtilýine baılanysty jumysy shektelgen jumys berýshilerdiń, jeke kásipkerler men ózin-ózi jumyspen qamtyǵandardyń ótinimi negizinde júrgiziledi. Eńbek jáne halyqty áleýmettik qoldaý mınıstrligi tótenshe jaǵdaı kezeńindegideı azamattardyń jekelegen sanattaryna azyq-túlik ónimderi boıynsha aqshalaı kómek berýdi jalǵastyrsyn. Bul – 1 mıllıonnan astam adam, – dedi Mamın.
Áleýmettik tólemge qalaı ótinim berýge bolady nemese tólem avtomatty túrde buryn alǵan azamattarǵa berile me ol jaǵy ázirge aıtylmady.
Buǵan deıin prezıdent Qasym-Jomart Toqaev eldegi epıdemıologııalyq jaǵdaı ońala bastaǵanyn, dese de áli de shekteý sharalary qajet ekenin aıtyp, muqtaj azamattarǵa 42500 teńge tólenetinin málimdegen bolatyn.
Eske sala keteıik, prezıdenttiń tapsyrmasymen elde karantın taǵy eki aptaǵa uzartyldy.
♦ Oqı otyryńyz: "Jyrtyq jamaýǵa kelmeıdi". 42500 teńge halyqtyń keregine jete me?
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir