Densaýlyq saqtaý mınıstri Alekseı Soı qyrkúıekten bastap barlyq mektepterde oqýshylardy qashyqtan oqytýdy usyndy.

– Asqar Uzaqbaıly, qazirgi tańda Qazaqstanda koronavırýs juqtyrýdyń shamamen 60 myńnan asa deregi tirkeldi. Onyń ishinde 1700-i bala. Karantın kezinde balalardyń ınfeksııa juqtyrý deregi azaıdy. Mektepterde kúndizgi oqýdy jandandyrý indettiń taralýyna jol ashady. Qazir koronavırýstyń taralýynyń qaýpi basym. Jyl saıyn JRVI jáne tumaýmen aýyratyndar 14 jasqa deıingi balalardyń 70 paıyzyn quraıdy. Koronavırýstyń taralýyn eskere otyryp, oqý jylynyń birinshi toqsanynda shaǵyn jınaqty mektepterdi eseptemegende orta bilim berý uıymdaryndaǵy barlyq synypty qashyqtan oqytýdy qarastyrǵan jón, – dep aıtty.

Resmı derekke sáıkes, elde 61 755 adam koronavırýs ınfeksııasyn juqtyrǵan., onyń 35 911-i indetten jazylyp shyqsa, 375 adam qaıtys bolǵan.

Prezıdent Qasym-Jomart Toqaev eldegi epıdemıologııalyq jaǵdaı ońala bastaǵanyn, dese de áli de shekteý sharalary qajet ekenin aıtyp, karatın rejımi taǵy eki aptaǵa sozylatynyn habarlaǵan. Karantın jalpy jıyntyǵy 4 aı quraıtyndyqtan muqtaj azamattarǵa 42500 teńge tólenetin bolyp sheshildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir