Qazaqstanda karantın merzimi taǵy da uzartylady

Qazaqstanda koronavırýsqa baılanysty karatın rejımi taǵy eki aptaǵa sozylady. Bul týraly el prezıdenti Qasym-Jomart Toqaev twitter paraqshasynda habarlady. 

"Elimizdegi epıdemıologııalyq ahýalǵa baılanysty karantın rejımi taǵy eki aptaǵa sozylyp, shildeniń sońyna deıin jalǵasady. Erteń úkimettik komıssııa sheshim qabyldaıdy. Azamattarymyz densaýlyǵyn saqtaý úshin karantınniń negizgi talaby – ózin-ózi oqshaýlaý sharasyn qatań ustanýy qajet" dep jazdy Toqaev.

Elde koronavırýsqa baılanysty eń alǵash ret naýryz aıynda tótenshe jaǵdaı jarııalanyp, qalalar karantınge jabylǵan. Keıin, eki aıǵa jýyq ýaqyttan keıin tótenshe jaǵdaı alynyp, karantın sharalary jeńildetildi. Maýsym aıynda elde koronavırýs órship, bılik 5 shildeden bastap eki aptaǵa qatań karantın jarııalady. Biraq elde vırýs áli órship tur. Qazir vırýs juqtyrǵandar sany 60 myńǵa jýyqtady.