Toqaev: Úkimet shilde aıyna 42500 myń teńge tóleıdi

Qazaqstan prezıdenti Q.Toqaev eldegi epıdemıologııalyq jaǵdaı ońala bastaǵanyn, dese de áli de shekteý sharalary qajet ekenin aıtyp, muqtaj azamattarǵa 42500 teńge tólenetinin aıtty.

"Qazir jaǵdaıdyń rettele bastaǵanynyń alǵashqy nyshandary baıqalady. Ahýaldy tolyq turaqtandyrý úshin aldaǵy eki aptanyń mańyzy zor. Muqtaj jandarǵa Úkimet shilde aıyna 42,5 myń teńge tóleıdi." delingen Toqaevtyń twitter-degi jazbasynda.

Ázirge áleýmettik tólem qalaı jáne naqty kimge beriletini habarlanǵan joq.

Sondaı-aq prezıdent eldegi epıdemıologııalyq ahýalǵa baılanysty karantın rejımi taǵy eki aptaǵa sozylyp, shildeniń sońyna deıin jalǵasatynyn aıtty.

"Erteń Úkimettik komıssııa sheshim qabyldaıdy. Azamattarymyz densaýlyǵyn saqtaý úshin karantınniń negizgi talaby ózin-ózi oqshaýlaý sharasyn qatań ustanýy qajet" dep atap ótti ol.

Sońǵy resmı derekke saı Qazaqstanda 59 899 adamnan koronavırýs anyqtalǵan. Onyń 34190-y indetten aıyǵyp shyqsa, 25 334 naýqas emdelip jatyr. 375 adam KVI-dan qaıtys bolǵan.